Do good and others will follow...

Jæja ég held ég neyðist nú bara til að blogga nokkrar línur... þannig er mál með vexti að bloggin sem ég les, virðast vera eitthvað biluð... þau uppfærast bara ekki neitt!! Svo fór ég að hugsa þetta og ég er ekki búin að blogga neitt heldur í heila viku. Það hefur bara ekkert verið að gerast. Alveg satt!!! Ég er að fá heimsókn frá Íslandi í kvöld, Bjarki litli frændi minn er að koma í heimsókn. Hann tilkynnti mér í fyrrakvöld að hann væri að panta sér flugmiðann. Það verður svo fínt að fá hann í heimsókn. Ég ætla að sýna honum Kongsberg og Notodden líka. Ég hef verið með svo mikla heimþrá upp á síðkastið og þetta á örugglega eftir að hjálpa til við að lækna hana í smástund. Ég pantaði auðvitað helling í ferðatöskuna og á von á lambakjöti, harðfisk, appolló lakkrís og fleira góðgæti. Það er kannski ekki alveg satt að það hafi ekki neitt verið að gerast undanfarið. Við Styrmir kíktum í bæinn á síðasta laugardagskvöld með hjónunum á neðri hæðinni. Þau eru voða hress. Hann heitir Patricio og hún heitir Aase(Ása). Hann er frá Chile, indíáni og hún er norsk. Þau eiga húsið og við leigjum af þeim. Þau voru að koma heim frá Spáni, þau eiga íbúð í Torrevieja og voru þar í fjórar vikur með krakkana sína. Þau eru búin að segja að við megum fá íbúðina lánaða og ég held það gæti bara alveg gerst á næsta ári. Við sáum myndir frá íbúðinni og ströndinni og sundlauginni og það leit bara meiriháttar vel út. En allavegana bæjarferðin var svona frekar sorgleg, fyrst sátum við hjá þeim og spjölluðum og drukkum. Það var mjög kósý. Síðan kíktum við í bæinn. Byrjuðum á því að koma að lokuðum dyrum á skemmtistaðnum á hótelinu. Þá ákváðum við að kíkja á Krags Møteplass, það var stemming þar en tónlistin var svo hávær að það var ekkert hægt að tala saman. Svo við röltum okkur áfram, ætluðum inn á Circa, sem er uppáhalds kaffihúsið mitt en þar var troðið. Svo við fórum á einhverja hallæriskrá sem heitir eitthvað Gamle Norge Pub. Það var frekar glatað og ég ætla aldrei að fara þangað inn aftur. En allavegana þá var klukkan farin að nálgast hálfþrjú og við ákváðum að rölta bara heim á leið. Sem var líka bara ágætt. Á leiðinni heim tók ég eftir því að það var stjörnubjart og sá einasta stjörnumerkið sem ég þekki... sem var litli björn eða var þetta kannski stóri björn? hmm... allavegana það er hluti af Karlsvagninum svo ég ætti eiginlega bara að segja að ég hafi séð Karlsvagninn. Alltaf fínt að skoða stjörnurnar :D Það er allavegana alveg nóg af himni hérna í Noregi, svo ég ætti að sjá þær í vetur. Það er líka alveg fríkeypis hobbý!!!! Well, var að heyra í litla frænda hann er sestur upp í fyrri rútuna sem hann þarf að taka til mín. Á von á honum eftir rúmlega 2 tíma... nú er bara að finna sér eitthvað að gera þangað til.

Diskótekin loka úti "gamla grísi"

Lestu um það hérna

Gúrkutíð hehe...

Gúrkur valda uppnámi í umferðinni

Ég er dugleg :)

Það er enginn hérna til að hrósa mér svo ég verð bara að vera ótrúlega góð með mig og óska sjálfri mér til hamingju með vel unnið verk. Ég tók mig semsagt til eftir álitlegt internethangs og skúraði alla íbúðina hátt og lágt. Þetta er nú aldeilis fínt hjá mér. Á eftir ætla ég að baka brauð... núna þarf ég bara að ákveða hvað ég ætla að hafa í matinn... hmmmm. Gvöð hvað ég er heimilisleg :D En annars er allt með kyrrum kjörum hérna. Ég held að þessi ofvirkni stafi af því að ég er búin að vera með útvarpið á frá því að ég vaknaði klukkan hálfátta. Þvílík stuðtónlist í gangi, sumarsmellirnir dynja á mér hver af öðrum... reyndar er núna eitthvað kjaftæði en svo kemur nýtt lag. Ég er að hlusta á Petre, en það er einmitt norska fyrir P3... hinar ríkisútvarpsstöðvarnar heita P1 og P2. Svo er líka önnur stöð local í Osló sem heitir mPetre en það er einmitt MP3. Svo kúúúl!!!!

Miðvikudagur og vikan flýgur framhjá...

Tíminn líður ótrúlega hratt hérna í Noregi, eftir því sem mér skilst á vinkonu minni henni Iðunni þá líður tíminn frekar hratt á Íslandi líka. Ég fór í heilsubótargöngu í fyrrakvöld, það var svo yndislegt veður og bara ekkert vit í því að sitja inni og láta sér leiðast. Reyndi að draga Salvöru með mér en hún var eitthvað löt svo ég fór bara ein. Ég tók alveg heilan helling af myndum af ýmsum stöðum í Kongsberg. Reyndi að ná náttúrustemmingunni í þessu öllu saman... áttaði mig svo á því að ég var að rembast við að taka myndir af einhverju markverðu, s.s. húsum, útsýni, ánni með útsýni frá brúnni o. s. frv. Þegar ég kom heim og fór að skoða myndirnar þá áttaði ég mig á því að ég hafði ekki tekið neina mynd sérstaklega af trjánum eða fjöllunum. En það er einmitt helsta útsýnið hérna. Og það er fallegt það vantar ekki. Mér finnst bara svo oft að ég sjái ekkert fyrir öllum þessum trjám. Sérstaklega þegar ég var búin að labba upp í móti í næstum hálftíma og hafði hugsað mér að taka einhvers konar yfirlitsmyndir yfir Kongsberg, það eina sem ég sá voru tré og meiri tré. Það pirraði mig dáldið en svo fór ég að hugsa að það væri kannski bara fínt. Fólk fær þá allavegana að vera í friði í sínum lundi. Ef það vill. Sem betur fer eru ekki svona kæfandi tré hérna í kringum húsið eða í götunni, ég held ég myndi ekki þola það til lengdar. Mér finnst gott að sjá aðeins frá mér :) Rán er búin að vera eitthvað slöpp núna síðustu daga. Ældi nokkrum sinnum í fyrradag og var ferlega lufsuleg. Ég hleypti henni ekkert út í gær af því að hún var svona veikluleg, ég veit ekki hvort það var þess vegna en hún borðaði næstum ekki neitt. Ég held hún sé að lagast en ætla að halda henni inni í dag líka. Ég vona nú að hún jafni sig alveg á þessu og fari að borða venjulega aftur. Hún fékk sér allavegana nokkur korn í morgunmat í dag. Hún var að leika sér með fjöður af kráku daginn sem hún varð veik, veit ekki hvort það er eitthvað hættulegt eða hvað. Ég held hún hafi nú ekki étið krákuna en það væri fínt ef hún hefði gert það. Þessar krákur eru alveg óþolandi... þær eru gargandi allan daginn og langt fram á kvöld svo vakna þær klukkan fimm á morgnana og halda áfram að garga. Svo hjálpar nú ekki að það er hreiður í furutréinu sem er rétt fyrir utan svefnherbergisgluggann okkar!! Krákurnar eru stórt vandamál hérna í Noregi og það er víst leyfilegt að drepa þær og skila inn goggnum. Þá fær maður einhver svona veiðilaun fyrir. Verst að ég er svo óhittin ég myndi aldrei ná þeim. En þetta er víst bara hluti af lífinu hér í nýju landi. Eitthvað sem ég á bara eftir að venjast. Mér finnst bara óhuggulegt að vita að þær ráðast á miklu stærri dýr og drepa þau, t.d. kindur. Og parið hérna er ekkert of hrifið af Rán. En hún lætur þau heyra það og er ekki hrædd við þau.

Það er bara svo mikið að gera hjá mér ;)

Þið hljótið að skilja hvers vegna ég hef ekki bloggað í tvo daga núna, ég er svo upptekin af því að vera atvinnulaus að ég hef barasta ekki fundið mér tíma til að skrifa... hehe. En allavegana það er nú ekkert merkilegt búið að gerast svo sem, það er laugardagur, ég vaknaði klukkan hálfníu við það að Rán skreið upp í rúm til mín og byrjaði að mala á fullu. Svo tróð hún hausnum undir sængina, henni finnst voða gott að kúra undir sænginni hjá mér stundum. Við lágum þarna í faðmlögum til að verða níu þá ákvað ég að það væri ekkert vit að sofa daginn frá sér. Styrmir fór nefnilega í vinnuna í morgun, hann er að skipta um loftræstinguna heima hjá eigandanum á blikksmiðjunni. Þannig að ég verð að finna mér eitthvað skemmtilegt að gera í dag. Sólin skín svo efalaust verður lagst í sólbað, hluta úr degi allavegana. Svo þarf ég að fara í bæinn og draga björg í bú, finna eitthvað sniðugt í kvöldmatinn... einhverjar uppástungur? Við grilluðum í gær, yndislega lærissneið, kartöflur og sveppi með ostafyllingu. Nammi namm, svo vorum við með salat, svona lambhagasalat og tómata. Ótrúlega flottar þessar lærissneiðar sem við höfum keypt undanfarið... þetta er bara ein stór steik sem er kannski 800 g til 1 kíló. Svo það er alveg yfirdrifið nóg að kaupa bara eina í matinn. Á norsku kallast þetta "flinsteik", ég veit nú ekki alveg hvað það þýðir á íslensku. Samkvæmt orðabókinni minni þýðir flint: tinna, tinnusteinn. Svo við erum ótrúlega oft með Tinnusteik :þ Þessi steik er svona bara þverskurður af svínalærinu... rosalega eru þessi svín með breið læri :o Ég er búin að vera að vinna í því að koma myndum inn á myndasíðuna, það hefur verið einhver tregleiki í því að koma þessu yfir. En ég vona það besta því ég á svo rosalega mikið af myndum sem mig langar til að setja inn. Ég er búin að taka myndir af húsinu, fattaði allt í einu fyrir nokkrum dögum að ég var alls ekkert búin að taka myndir af því til að setja inn á netið... En þetta er allt saman að koma, mér dettur í hug ný hugmynd af myndaseríum á hverjum degi. Jæja ég held ég fari bara að segja þetta ágætt í bili, ætlaði að fara að hella mér upp á kaffi en þeirri hugmynd var snarlega drekkt því ég var að brjóta kaffikönnuna *snökt* *snökt* ... þoli ekki þegar ég er að klaufast svona arrgghhhh. Og svona í lokin þá sendi ég bestu afmæliskveðjur til hennar Júlíu vinkonu minnar sem á afmæli í dag :D Til hamingju dúllan mín, vildi að ég gæti komið og haldið upp á afmælið með þér ;)

Miðvika

Það getur verið gott að vakna snemma, sérstaklega ef maður hefur eitthvað að gera. Ég vaknaði bara frekar snemma í morgun og er núna búin að borða morgunmat og drekka kaffi. Gefa kettinum að borða. Klappa kettinum. Fara rúntinn á fréttasíðunum, tékka á atvinnutilboðum, hlusta á morgunfréttirnar og athuga meilið. Klukkan er bara átta, hvernig getur þetta staðist? Það er nákvæmlega ekkert að gerast, ég er að velta því fyrir mér hvort ég eigi bara að leita að skúringarjobbi allavegana þar til "tölvufyrirtæki" koma úr fríi. Það er nefnilega ekki neitt sérstaklega gaman að vera í endalausu fríi og eiga engan pening :/ En sólin skín allavegana... það er alltaf eitthvað. Labbaði niður að ánni í gær með Salvöru, við settumst á vegg meðfram ánni og ég dinglaði fótunum fram af... lyfti buxunum upp að hnjám og er með þvílíkan sviða á sköflungunum... greinilega betra að vera með góða sólarvörn við vatnið. Það er þvílíkt gott veður og þetta er alvöru sumar... það á að vera frekar gott veður alla vikuna... hitamælirinn í eldhúsinu segir að það sé 25 stiga hiti, nammi namm. Klukkkan er bara átta, það verður heitt í dag! Það er eitthvað mál að setja php draslið inn á serverinn svo ég er að kanna hvort við séum með stuðning... held ég hafi kannski eitthvað misskilið þetta, damn it! En allavegana er ég að fara að redda mér annarri myndasíðu sem ég vísa þá bara á í bili... ef einhver vill skoða heimasíðuna þá er hún hérna Ég er búin að vera að velta mér upp úr html-i og php-i... svo ég er ekkert búin að bæta inn á þetta... Þess vegna er hún svona hrá með engu efni inná en þá er bara málið að tékka á henni aftur og aftur og aftur... Ég áskil mér samt leyfi til þess að hafa hana lélega á meðan veðrið er svona gott... Það er nefnilega mjög hollt að vera úti í sólinni og heimasíður eru til þess að vinna í á rigningardögum eða ef maður sólbrennur svo illa að maður verður að vera inni allan tímann :þ

New and improved look :)

Það er svo gaman að fikta í html kóða... Datt í hug að gefa blogginum mínum smá sumarhreingerningu þar sem bláa lúkkið var ekki að virka nógu vel með nýja bloggernum. Til dæmis gat ég ekki sett inn titil á bloggana mína. Pirrandi! Ég var að komast að því að serverinn þar sem heimasíðan okkar er vistuð styður php svo ég get náð mér i flottar græjur til að gera heimasíðu og myndaalbúm... ég er ekki alveg að nenna þessu í dag. Ætla að nýta mér sólina og góða veðrið ;) En þetta fer að koma ég lofa því :D En allavegana, helgin var rosa fín, það var geðveikt veður... sérstaklega á sunnudaginn, ábyggilega næstum 30 stiga hiti og glampandi sól. Við fórum í túristaleik og heimsóttum Silfurnámurnar í Kongsberg. Það var mjög gaman, settumst inn í litla lest og brunuðum næstum 4 km inn í fjallið, þvílíkur hávaði í lestarvögnunum og teinunum, hehehe. Eftir svona 5-10 mín vorum við komin lengst inn í fjallið og þar var stoppað og labbað um "Kings mine" eða námur Konungsins. Stærsta náman heitir það því þegar silfrið fannst árið 1623 voru lög í gildi um að Konungurinn ætti lögsögu yfir öllum steinefnum sem fundust í landinu. Þá var einn kóngur yfir Danmörku og Noregi. Næstu 330 árin var unnið silfur úr fjallinu enda er það eins og gatasigti. Það er búið að friða það og þeir þora ekki að byggja á fjallinu því þeir eru hræddir um að pompa niður í námugöngin einhvers staðar... ábyggilega ekkert sniðugt að sprengja fyrir grunni eða grafa of mikið. Það var semsagt árið 1958 sem þeir hættu formlega að grafa og leita að silfri og ákváðu að nýta sér ferðaþjónustuna frekar. Eins og kom líka fram hjá leiðsögumanninum, dagsvinna myndi skila 1 kg af silfri sem er 800 NKr virði... semsagt 8 þús ÍKr. Alls ekki þess virði og svo fá þeir svo miklu miklu meiri pening fyrir að skutla túristum inn í fjallið og sýna þeim minjarnar... svona eru Norðmenn sniðugir og átta sig á því hvað ferðaþjónustan getur skilað. Og það fyrir 45 árum síðan!!!! Íslendingar ættu að líta á þetta, það eru nefnilega ótrúlegir möguleikar á því að "virkja" landið til að sýna ferðamönnum frekar en að drekkja því með einhverri skammtímavirkjun. Æji nú kemst ég í vont skap af því að hugsa um þessa Kárahnjúkavirkjun. Ráðamenn íslensku þjóðarinnar ættu að skammast sín fyrir þessa virkjun og hana nú!!!! Ég vildi að ég gæti gert eitthvað til þess að sporna við því að það yrði virkjað þarna en það er alltof seint því Landsvirkjun í skjóli ríkisstjórnar Íslands er hvort sem er búin að sprengja Dimmugljúfrin í tætlur, ekki satt? Nóg um það!!

Er maður sætur eða hvað?

Jæja, föstudagur enn á ný kominn heim í hús :D Þessi föstudagur er aðeins öðruvísi en allir hinir... Styrmir og ég erum að halda upp á 5 ára afmælið okkar :) Þetta er dáldið skrýtið að hugsa til baka og að þetta séu fimm heil ár sem eru liðin... ótrúlegt. Well anyways, þá er ég bara dáldið hamingjusöm í dag og vona að næstu fimm ár verði okkur góð. Nú ætla ég að fara í bæinn og kaupa blóm handa honum og eitthvað gott í kvöldmatinn...

"Guð hjálpi Kanadamönnum frá því að komast nokkurn tímann í sama gæðaflokk og Norðmenn" - Kanadabúi sem bjó í Noregi í 26 ár. Eitt er víst að allir hafa rétt á sinni eigin skoðun Ég myndi vera að ljúga ef ég segði að ég skildi ekki allavegana hluta af því sem hann er að segja þessi maður ;) En í Noregi er gott að búa, þeir mættu nú samt alveg lækka hjá sér vöruverðið, blessaðir!

Það er aldeilis að ég var spennt yfir því að fá netið... ekki búin að blogga staf alla helgina :þ En það var nú bara til að byggja upp spennuna... svo nú er komið að því... the return hehe Það var jazzhátíð í bænum og við Styrmir fórum á pöbbarölt á laugardagskvöldið, það var voða stemming og heill hellingur af fólki. Eftirminnilegasti drykkur kvöldsins var Strawberry Daiquiri, alveg æðislegur jarðaberjadrykkur borinn fram í svona martiniglasi. Það var semsagt alveg hellingur af ferskum jarðaberjum, og muldum klaka svo var eitthvað meira áfengi og dóterí... þarf eiginlega að finna þennan drykk því jarðaberin eru að komast í season hérna og þá er tilvalið að blanda sér svona drykk á heitum sumarkvöldum. Sé þetta alveg fyrir mér að sitja úti á veröndinni okkar og sötra jarðaberjadrykk. Ég er búin að vera að velta því fyrir mér hvernig ég á að segja frá öllu sem hefur gerst, því það eru jú margar vikur frá því að ég bloggaði almennilega síðast... svo fór ég að spá í að það er nú eiginlega alveg rakið í myndum hvað við höfum verið að gera. Svo ég þarf bara að koma myndunum online. Í stuttu máli þá flugum við út ég, Salvör og Rán 8. júní. Fyrstu dagana vorum við á stúdentagörðunum í 20 fm íbúð, það var rosalega gaman :) Þegar Styrmir var búinn að taka síðasta prófið sitt sem var 10. júní þá fórum við að hugsa okkur til hreyfings. Styrmir var kominn með lykla að íbúðinni og við fórum með það nauðsynlegasta með okkur, tvo Ikeabedda (70 cm) og tölvuna. Reyndar fórum við með nokkra kassa og poka líka. Kattadall og kattabúr og kött. Kött sem var rosalega feginn að komast í meira en eitt herbergi, rosalega kröfuhörð á pláss, henni finnst mjög leiðinlegt ef hún er lokuð inni í herbergi, vælir endalaust, hún vill fá frelsi til að trítla um og sniffa af öllu. Nú svo vorum við hérna í fínu íbúðinni með tölvu og tvo Ikeabedda, horfðum á Friends, Black Books og fleiri seríur og höfðum það rosalega fínt hérna á gólfinu. Það eina sem vantaði var ísskápur. Ég held ég hafi gleymt að segja að við Styrmir sváfum semsagt saman á öðrum beddanum og Salvör svaf á hinum. 70 cm eru frekar lítið pláss fyrir tvo fullorðna og í einstaka tilvikum kött. En svo kom að því 17. júní rann upp fagur og sólríkur þó með skýjum sem hótuðu að vökva búslóðina... En fyrst kom nýja rúmið okkar sent express frá Möbelringen í Hokksund. Þvílík sæla, þvílík gleði!!! Svo var búslóðin semsagt keyrð upp að dyrum um hádegi og við hlupum upp með kassa og húsgögn og um klukkutíma seinna var allt komið inn nema ísskápurinn, þvottavélin og sófinn. Fengum mann mömmu hans Styrmis til að aðstoða við þá flutninga. Og það gekk allt vel að sjálfsögðu. Næstu daga tók við endalausir kassar út um allt og dót sem enginn vissi hvar átti að setja. Eldhúsið varð fyrst fyrir valinu á röðunarnefndinni. Sem betur fer er þvílíkt skápapláss svo við gátum raðað öllu inn og þurftum ekki að setja neitt í geymsluna af því dóti. Nú þar næst fór stofan að taka á sig mynd og svo koll af kolli. Það eru ennþá kassar á gólfinu, bækur og fleira sem vantar hillu til að búa í. Við erum búin að vera að skoða stofuhillur en erum ekki alveg ákveðin enn hvernig okkur langar í. Við fáum líklega gefins eina bókahillu og erum að spá í að láta það duga aðeins í bili. Nú síðan þá hefur svo sem ekki mikið róttækt gerst. Við erum búin að kaupa okkur gasgrill og grillum reglulega úti að sjálfsögðu. Grillmatur er bestur!!! Annars reynir maður bara að njóta þess að hafa alla sólina og góða veðrið. Það var meiriháttar veður á laugardag og sunnudag en í dag er skýjað og sést ekki í sólina. Kannski lagast það þegar líður á daginn. En núna ætla ég að fara að reyna að koma þessari myndasíðu í lag svo þið getið fengið að sjá allt þetta sem ég var að segja í myndum. Salvör er búin að vera svo dugleg að smella af öllu sem hefur gerst hjá okkur undanfarið. Ég ætla að láta þetta duga í bili en blogga meira aðeins seinna.

Im back online :D

Guðmundur minn góður hvað þetta er búin að vera löng bið!!!!!!!!!!!!!!! En allavegana birtist þessi þvílíki engill hérna í morgun og lagaði símann bara á augnabliki. Svo núna er ég komin með internettengingu, ég kemst bara ekki inn á msn og veit ekki afhverju :/ en það er sama.... ég er online aftur. Jæja ég er farin aftur að sofa ;p

Ju thad var reyndar eitt sem eg er buin ad vera ad velta fyrir mer i 2 daga nuna... Sidan hvenær hefur Thyskaland haft forseta?? Eg hef aldrei heyrt um thennan mann Johannes Rau, bara Kanslarann Kohl... Getur einhver upplyst mig um thetta?? Og sagt mer i leidinni tha hvort eg se svona rosalega oeftirtektarsom ad eg hafi aldrei heyrt um forseta Thyskalands... eda hvort thetta se eitthvad alveg nytt????? Please someone :) Update: Þýskaland hefur haft Johannes Rau sem forseta síðan í 1. júlí 1999. Og samkvæmt þessu þá hafa þeir haft forseta allavegana síðan 1990 þegar Þýskaland sameinaðist. Næstu forsetakosningar í Þýskalandi fara fram 23. maí 2004. Ótrúlegt að svona hlutir geti farið alveg fram hjá manni!!!!