Fyrsti í aðventu

og heimurinn minn er friðsæll. Ég sit við tölvuna mína í litla tölvuherberginu. Er að hlusta á Sheryl Crow "Are you strong enough", alveg öruggt á uppáhaldslaga-listanum mínum. Ég sótti mér jólaskraut og jólakertastjaka í kjallarann í gær. Hlýleg tilfinning að vita af því að jólin nálgast. Ég er nú ekkert að tapa mér í jólaskrautinu samt. Tók bara upp örfáa jólakalla og plantaði í stofuna. Og allt þetta bara af því að ég get það þetta árið. Ég skreytti Rán aðeins líka með slaufu um hálsinn, hún var nú ekki jafn hrifin og ég. Tók smá vídeó af henni, sem ég þarf að koma inn á myndasíðuna. Ótrúlega góð tilfinning að vera til. Ætli ég geti ekki sagt að ég sé bara frekar sátt við lífið í dag. Gleymi alltof oft að taka eftir því þegar mér líður vel og hef ekki áhyggjur af öllu mögulegu og ómögulegu ;) eníveis, knús og kossar til allra sem vilja taka á móti! Gleðilegan fyrsta í aðventu :) update: hérna eru myndir af dúllukisu

Eins gott að vara sig á þessum verum

Fullir elgir

Það er föstudagur, ég sit hérna við tölvuna og bíð eftir að dagurinn líði. ég er að fara á jólahlaðborð í kvöld með vinnunni minni. hlakka voða voða mikið til. ætla að fara í nýju skónum mínum :D annars er ekkert spes veður hérna í dag, sólin skein aðeins í gegnum skýin í morgun en núna er komin svo mikil þoka að hún sést ekki lengur. ekki heldur fjöllin allt um kring. húsin hinum megin við götuna eru í móðu. en það er ekkert svo hörkukalt neitt, það var við frostmark í hádeginu þegar við röltum í bæinn. við keyptum kerti í aðventustjakann, rauð að sjálfsögðu. ég gleymdi nú alveg að hugsa um skraut á stjakann. kíki kannski í bæinn á morgun að redda því. ég ætla að setja jólalög á fóninn á sunnudaginn og kveikja á aðventukertunum. það verður kósý. spurning að kaupa jólate og piparkökur til að kósa sig með. það eru komnar nokkrar jólaskreytingar í bæinn. lítil ljós í tréin í miðbænum og á laugardaginn á að kveikja ljósin á stóra jólatréinu. það er reyndar ekki í miðbænum, sem er nú pínu stjúpid. það er uppi við kirkjuna þar sem eru ekkert margar búðir. en þá gerir maður sér ferð þangað svona einu sinni fyrir jólin kannski :)

Oh what a beautiful morning, oh what a beautiful day!

ég er hamingjusöm í fyrsta lagi vegna þess að það er massasnjór úti (og frost). sólin skín eins og hún fái borgað fyrir það og almennt er þetta bara yndislega fallegur vetrardagur. í öðru lagi þá fór ég í klippingu í morgun og er svona þvílíkt sátt við útkomuna. er líka búin að finna klippistofu sem mér líkar og klippidaman var líka rosalega fín. er meira að segja búin að panta mér aftur tíma næst hjá henni :D í þriðja lagi þá keypti ég mér skó í morgun og var fljót að velja (ég held barasta að þessi valfóbía mín sé að lagast! jeiii!!!). þeir eru svartir og með hæl. ég get notað þá hversdags og spari og þá eru nú notkunarmöguleikarnir bara nokkuð fínir ;) í fjórða lagi þá bara er ég almennt frekar ánægð með lífið í heild sinni :D Ég var að bæta inn nokkrum myndum af snjónum (og Rán). Getið séð þær hérna

Mellon collie and the infinite sadness

Ég átti áhugavert samtal við manneskju á msn í gærkvöldi. Það væri svo gott ef það væri bara hægt að smella fingrum og vips allt er fínt. En svoleiðis er það ekki í raunveruleikanum, eða er það? Stundum hjálpar að gráta og hleypa því bara út sem er að angra mann. Ég get ekki annað en verið pínu leið í dag yfir því að öllum líður ekki jafnvel. Ég get ekki annað en vonað að tíminn rembist við að lækna sár og eftir standi bara lítil ör sem hægt er að lifa með. Ég veit alveg hvað það er að líða illa, jafnvel þó að sumt fólk í kringum mig kannski verði ekki vart við það. Ég hleypi ekki hverjum sem er í tilfinningakistuna mína. Held það væri mjög hreinskilið að segja að stór hluti lífs míns er með þvílíka grímu. Ég er ekki með þessu að gera neitt lítið eða mikið úr því hvernig aðrir upplifa sína erfiðleika. Það er ómögulegt að bera saman á milli persóna hver á mest bágt. Hver og einn upplifir persónulega sitt mótlæti og aðrir geta ekki komið og sagt "Hey, þetta getur ekki verið svona slæmt". Oft upplifir maður sjálfur sama hlutinn mismunandi eftir dögum, svo hvernig ætti þá að vera hægt að bera saman á milli aðskildra persóna. Mér finnst fyrir sjálfa mig mikilvægt að reyna að sjá litlu hlutina sem gera það að þetta er kannski ekki alveg vonlaust. Auðvitað koma samt stundir þar sem svartnættið er algjört og erfiðleikar verða yfirþyrmandi, allt er svart og ómögulegt jafnvel að ímynda sér að það muni birta aftur. Og maður finnur inní sér að manni langar bara að líða illa. Í smástund þá finnst manni ekki einu sinni lausn að eitthvað breytist. Allt er ómögulegt. Engin lausn. Engin framtíð. En það kemur að því að það birtir til á ný. Ég trúi á það.

Hér sit ég og sit ég hér ein með hugsanir mínar

Takk fyrir allar skemmtilegu kveðjurnar undanfarið í kommentakerfið :) Það er alltaf gaman að vita af fólki sem kíkir inn og les hvað ég er að bulla hérna ;) Það er komið á hreint hvernig vinnan verður hjá mér næsta mánuðinn. Ég er með fasta daga þriðjudaga, miðvikudaga og fimmtudaga. Svo er aldrei að vita hvort það þurfi að leysa af mánudaga og föstudaga en það kemur þá bara í ljós með tímanum. Ég er semsagt með 60% stöðu í fjórar vikur og er bara ánægð með það. Ég hef þá líka tíma til að forrita aðeins og vera tölvunörd með vinnunni. Svo eru auðvitað sjálf jólin á næsta leyti eins og hefur líklega ekki farið fram hjá nokkrum manni. Ég sá í mogganum að það var heilmikið um að vera í miðbæ Reykjavíkur þegar jólaljósin voru kveikt. Eldgleypar (eldspúarar?) og margt fleira skemmtilegt. Borgarstjórinn var ekki viðstaddur í þetta skiptið en jólasveinn var fenginn til að kveikja í staðinn. Var einhver munur á því? Spurning hvort að þessir pólitíkusar séu nú ekki allir hálfgerðir jólasveinar hehe. jæja ekki var þetta nú mjög í anda kærleika jólanna sem ég ætti nú frekar að vera að boða :D Ég verð nú bara að segja það að ég hlakka bara heilmikið til jólanna og það er auðvelt að detta alveg í jólastemminguna þegar maður skreppur í bæinn að versla. Margar búðir komnar með fallegar jólaskreytingar í gluggana hjá sér. Við Styrmir erum orðin svo heilaþvegin af þessu ölllu saman að við létum freistast og keyptum jólapulsu(julepølse) í búðinni. hehehe. Hlakka pínu til að smakka þó að þetta líti nú ekki svo vel út svona í plastpokanum. Engin litarefni bara grá pulsa. En þetta hlýtur að vera einhver voða sparisparipulsa. Norðmenn eru annars alveg stórskrýtnir í matarhefðum sínum um jólin, það verð ég að segja. Íslendingar verða nú held ég að teljast komnir lengra út úr torfkofunum hvað það snertir. Mjög vinsælt er pinnekjøtt sem er svona beina/fitu oggupínukjöt sem er soðið í vatni (mér finnst soðið kjöt næstum alltaf ógeðslegt). Svo er það ribbe, sem eru rif, það er stór hefð fyrir því um jólin. Norðmenn eru rosalega nojaðir að borða ekki of mikla fitu svo jólin eru lögð í þetta að éta allt þetta feita sem er ekki étið greinilega restina af árinu. En svo er líka mikið um fisk. Lutefisk er ein hefðin... hann er semsagt þurrkaður og svo lagður í lút. Mér skilst að hann lykti nú ekki jafnilla og skatan samt ;) Það er örugglega nægur tími fyrir mig að kynnast öllum þessum hefðum þeirra en ætla bara að venjast tilhugsuninni til að byrja með. (*hrolluuur*) (ég er nú að mestu leyti að grínast) En talandi um skötuna, ég á eftir að sakna skötuboðsins fyrir þessi jólin. Hélt nú í fyrsta lagi að ég myndi aldrei smakka hana, því lyktin er svo ROSALEG en svo þegar maður er kominn upp á lagið þá er þetta nú bara ótrúlega fínt. Þetta hlýtur að teljast einn af þessum hlutum sem bendir manni á að maður sé að verða fullorðinn?

gone gone and on to the next one

Ég fékk aldeilis góðar fréttir fyrir örfáum mínútum :) Forstöðukonan á leikskólanum, þar sem ég hef verið að leysa af, hringdi og spurði mig hvort ég gæti hugsað mér að vinna fast nokkra daga í viku næstu 4 vikurnar. Mér leist vel á það og ekki nóg með það... heldur fæ ég fyrirfram borgað og það þýðir að ég fæ alveg slatta pening útborgaðan fyrir jól :D Bæði fyrir það sem ég er búin að vinna núna og svo fyrirfram fyrir þessa vinnu sem ég er að fara að vinna... jeiiiii. Þetta verður annaðhvort 60 eða 80% vinna. Þannig að ég er komin með tímabundna fasta vinnu sem afleysingarmanneskja... hehe varð bara að setja þetta inn þetta hljómaði svo vel ;) Aníveis, ég er bara prittý happy með þetta :)

Og nú... vetur :)

vaknaði í morgun, var engan veginn að nenna framúr. En svo sá ég í gegnum gluggatjöldin.. það snjóar úti og eins og ég er hopeless romantic fyrir snjó! þá gleymdi ég alveg að ég var ekki að nenna fram úr og stökk framúr til að kíkja á snjókomuna. Mjög hressandi svona snemma morguns (jú klukkan 8.40 er víst snemma :p) En allavegana lítur þetta bara vel út og eftir því sem ég hef heyrt mun snjórinn meira og minna halda sér fram á vor ... eða eitthvað svoleiðis. Svo nú er bara að fara að finna sér góð útiföt :) Rán var yfir sig hrifin af snjónum og vildi að sjálfsögðu ekki hanga inni. Svo ég hleypti henni út og galsinn var yfirgnæfandi hjá henni og hjá mér. Hún er auðvitað að mestum hluta hvít og hvarf nánast þegar hún lagðist niður á grasið!!! Verð eiginlega að ná mynd af henni bara í snjónum. Segi þetta gott af snjófréttum í bili :D

Ég er komin aftur :)

Er reyndar búin að vera heima í tvo daga alveg og sá þriðji líður með eindæmum hratt... Ég fór semsagt og var að passa systkini hans Styrmis frá föstudegi til þriðjudags. Foreldrarnir þurftu að fara til Íslands og krakkarnir þurftu auðvitað að komast í skóla og fá að borða og allt það. Þau voru voða stillt og góð og þetta var eins og hálfgert frí fyrir mig... sem er nú ágætt, því ég er næstum alveg uppgefin yfir því að vera alltaf í fríi heima =) Svo kom pabbinn heim á þriðjudagskvöldið og var aldeilis með óvæntan leynigest með sér. Fjölskyldan fékk nýjan meðlim sem er þriggja mánaða, flaðrar upp um allt og alla og pissar á teppið þegar henni sýnist!! Hún er obboslega sæt og kolsvört labradortík og heitir Díana prinsessa. Ég bráðnaði sko alveg þegar hún hljóp beint til mín þegar hún kom inn, setti loppurnar upp á hnéin á mér og byrjaði að éta ullarpeysuna mína hehehe. Fannst það ekki alveg jafnfínt þegar hún ákvað næst að vökva teppið!!!! En ég stakk trýninu á henni ofan í pollinn og setti svo dagblað yfir til að þurrka upp ófögnuðinn. Þetta verður án efa mjög skrautlegt. Þegar Styrmir heyrði frá þeim í gær voru þau pínu leið yfir því hvað hún var ódugleg um að biðja að fara út til að gera þarfir sínar :o Skrýtið!!! Þetta hlýtur að koma á endanum ;) Annars er það helst í fréttum að veturinn lætur á sér standa. Síðustu tvær vikur hefur bara verið pínu hlýtt (semsagt oftast ekki frost) og þoka yfir öllu. Venjan er að allt sé komið á kaf í snjó á þessum tíma hérna. Semsagt fulltime vetur. En ég bíð alveg róleg, mér skilst að það verði nóg af snjó þegar hann lætur sjá sig... svo ég er ekkert farin að örvænta neitt ;)

here she comes to save the day... its gvasigvas allt the way

skrýtið með svona texta sem poppa upp í hugann á manni, nú sé ég Jim Carrey fyrir mér syngjandi þetta með tilþrifum en get alls ekki komið því fyrir mig hvar... Ég er að fara til Notodden að líta eftir þremur krökkum í nokkra daga... verð því víst ekkert online næstu daga, tilhugsunin er hræðileg :o jæja, þetta er svona dæmi eins og með ljósið í ísskápnum,,, maður sefur rólegur því maður trúir því að ljósið slokkni þegar maður lokar. ég verð bara að trúa því að internetið verði þarna ennþá þegar ég kem heim aftur ;) hafið það gott, ble ble

Dagarnir koma og fara, koma og fara, koma og fara.... allt til enda veraldar án efa. Þetta er búinn að vera skrýtinn dagur... ég er að hugsa um að kenna sólgosum undanfarinna daga um þetta allt saman. Mér leið hrikalega illa þegar ég vaknaði. Dúndrandi hausverkur, hálsbólga, hósti og almenn vanlíðan... samt fór ég út og mætti áskorun dagsins. Enn ein ferðin á skattstofuna, HVERSU miklar upplýsingar þarf eiginlega til að skrifa út eitt vesælt skattkort. Ég bara spyr!! Mér finnst ég vera outkast í samfélagi dagsins í dag, engin vinna, engir skattar, enginn tilgangur. Ég fæ ekki einu sinni leyfi fyrir að hafa almennilegt debetkort. Nei, hraðbankakortið verður víst að duga enn um sinn. Mér finnst ekki gaman að fara inn í stofnun og þurfa að segja söguna eina ferðina enn,,, já, ég ætla að vera hér lengur en í 6 mánuði, já, ég er búin að fylla út svona eyðublað og já þetta líka. Nú já, nýtt. Allt í lagi. Nei, ég var bara ekki búin að sækja um skattkort því ég hef ekki unnið neitt á árinu. Eins og stendur á fína eyðublaðinu þínu þá verður maður að skrifa atvinnurekanda og helst hvað maður fær í laun á árinu til að geta fengið útprentað eitt vesælt skattkort. Svo þá er nú ekki til neins að sækja um skattkort þegar maður hefur engan atvinnurekanda og ekki grænan guðmund um hvort maður fær yfirleitt krónu í laun!! (Já, ég veit að þetta er ekki þér að kenna, er bara orðin dáldið þreytt á að útskýra sama hlutinn 500 sinnum fyrir fólki sem hlustar ekki einu sinni). Þetta eru svona hlutir sem skipta ekki máli, en stundum fær maður bara nóg af því að vera að þeytast um allan bæ að sækja pappíra sem eru svo einskis virði eða eins og svo oft "ekki rétti pappírinn". Nú já, var það þetta sem ég átti að fá, afhverju sagðiru það þá ekki strax???? Annars er bara allt ágætt... er bara dáldið pirruð á skilningsleysi fólks gagnvart mér. Það er ekki eins og ég biðji um mikið. Það er hundleiðinlegt að eiga við skriffinna þegar maður flytur svona á milli landa í stuttan eða langan tíma. Það er alltaf eins og enginn hafi spurt um svona áður. Ég neita að trúa því að ég sé fyrsti útlendingurinn sem sækir um skattkort hérna í Kongsberg. Ég neita að trúa því að allir skapaðir hlutir þurfi að vera svona ofsalega flóknir og þvældir. Ég var að vinna í gær, fór meðal annars að sjá barnaleikrit um Askeladden. Það var mjög gaman. Krakkarnir voru nú pínu smeykir. Ég sat með þrjú nánast í fanginu þegar mest var. hehe. Samt var þetta nú ekki einu sinni skerí leikrit. En svona er lífið. Þau venjast þessu... geta ekki ímyndað mér hvernig afþreyingarbransinn verður þegar þau verða skriðin yfir tvítugt. (Er að hugsa um KillBill myndina, sem virtist einbeita sér sérstaklega mikið að því að láta sem mest blóð sprautast úr hverri manneskju sem særðist eða var drepin... mér fannst hún góð samt, ekki misskilja). Fer að vinna á morgun líka frá átta til hálffjögur. Það er fínt. Ég er mikið að spá í að labba heim eftir vinnu á morgun, það tekur rúman hálftíma. Verður ábyggilega mjög fínt, það á ekki að vera of kalt eða blautt. Er ekki svo huguð að ég nenni að labba í vinnuna, tekur alltof langan tíma og þá er ég alltof sjúskuð þegar ég mæti, (að mínu mati). Enníveis... var að taka eftir því í gær að þeir eru byrjaðir að sýna Judging Amy aftur,,, alveg primetime eða hittó... klukkan 00.25... Hlýtur að vera endursýning á gömlu seríunni. Ég fylgist annars alltaf með þætti sem heitir Crossing Jordan og er rosa fínn. Um stelpu sem er coroner eða líkskoðari eins og orðabókin mín þýðir það????? Er það kannski réttarlæknir? Allavegana rosa fínn þáttur svona oftast... Hún er rosa lögga í sér og neitar að gefa frá sér málin fyrr en hún er búin að leysa morð/slysa/andláts -gátuna... Rosa drama hehehe Ég er alveg komin með gubbuna fyrir þessu útliti á bloggnum mínum!! En ég get ekki fundið neitt sem mig langar í frekar... finnst algjört svindl að Blogger bjóði ekki upp á fleiri lúkk :(

Mér líst vel á þetta: MEYJA 23. ágúst - 22. september Tunglið er andspænis merkinu þínu í dag og því ættirðu að byrja vikuna á rólegu nótunum. Hlustaðu á það sem aðrir hafa að segja en segðu sem minnst sjálf/ur.

must blog now.. must blog now... maður á aldrei að óska fólki neins svo slæms að maður geti ekki höndlað það sjálfur... ég er að sjálfsögðu lasin, eftir að hafa óskað leikskólakennurum veikindum :$ frekar halló eiginlega... svo þannig að ef það yrði hringt í mig á morgun og ég beðin að vinna, myndi ég þurfa að neita vegna veikinda :(:(:( ég fór samt í bíó í gær, var ekkert svo slöpp þá, við sáum KillBill vol. 1, frekar töff mynd. Ég var allavegana ekki fyrir vonbrigðum :) Kjánalega mikið af blóði samt LOL Svo vaknaði ég í morgun með þessa dúndrandi hálsbólgu og beinverki og eyrnaverki og tásuverki og já þið kannski náið þessu ;) Þannig að ég er bara búin að liggja í móki hérna í dag, horfði á Analyze that sem var nú bara betri en ég þorði að vona... Billy Crystal og Robert De Niro eru svo frábærir :D Oh well, ég er orðin uppgefin aftur,,, meika ekki meir en 15 mín við tölvuna í einu :s ble ble...........................