Bið og sms-vandamál

Ég er enn að bíða eftir að fá Lonely planet bókina, það var einhver tregða í bókabúðinni en líklegast kemur bókin á morgun. Lá í sófanum í gær og surfaði síðuna hjá þeim, það eru margir staðir sem eru áhugaverðir!!! Annað sem ég verð að nefna er að ég virðist ekki fá sms frá Íslandi í símann minn, allavega er ég búin að fá tvær fyrirspurnir síðustu daga um hvort ég hafi fengið sms frá fólki heima. Og ég hef ekki séð tangur né tetur af skilaboðunum. Samt er búið að vera kveikt á símanum mínum allan tímann. Svo ef þú hefur sent mér sms og ekki fengið svar frá mér, þá veistu afhverju. Hef alveg fengið sms í önnur skipti, en það er pínu erfitt að vita af því þegar það kemur ekki í gegn...

Litla systir mín...

Hamingjuóskir til litlu systur sem er tvítug í dag!! Megi hamingjan fylgja þér alltaf! Knús og kossar!!! Reyndar finnst mér nú voða stutt síðan þessi litla dúlla kom í heiminn. Svo voða lítil og nett. Svo fór hún auðvitað snemma á gelgjuna, fékk geggjað margar bólur bara ca. 3-4 mánaða gömul. Man að mér þótti það mjög sérstakt. En á móti kemur að Salvör var mjög þroskuð eftir aldri og fór aldrei meir á gelgjuna, það var fyrir neðan hennar virðingu. Ég man mjög vel eftir tímabili í ævi Salvarar þegar hún var upptekin af tísku og hárgreiðslu, það hefur reyndar loðað við hana síðan en þetta byrjaði mjög snemma. Um 3ja ára aldurinn var hún farin að "hanna" sína eigin tísku, en það var gert með því að t.d. klippa göt í föt eða endurhanna þau á einhvern álíka hátt. Henni þótti líka mjög smart að vera með sítt hár og var því oftar en ekki með sokkabuxur á höfðinu og lét þá langa hárið annaðhvort liggja slétt eða í fléttu. Salvör var hins vegar í raun með stutt hár fram eftir aldri. Hún lét það samt ekkert á sig fá og klippti sig allavegana einu sinni, alveg sjálf! Mamma var ekki eins hrifin af útkomunni, man ég. Og Salvör var einmitt á leið í heimsókn til ömmu á Skaganum, svo amman fékk það hlutverk að fara með hana til rakarans til að bjarga því sem bjargað varð ;) Það var ýmislegt sem fékk að finna fyrir skærunum á þessum árum, fatnaður, barnabílsætið og sjálfsagt fleira sem ég hef gleymt. Merkilegt að mamma hafi aldrei fattað upp á því að fela skærin :o Allavegana, Salvör hefur komist alveg ótrúlega vel á legg og á eftir að pluma sig fínt áfram í lífinu. Það er spurning hvort að tíska og hár heldur áfram að vera aðaláhugamálið, það verður að fá að koma í ljós. Elsku Salvör, eigðu góðan dag og ég hlakka til að fá að knúsa þig almennilega í sumar, hvar og hvenær sem það verður!! þín litla stórasystir, Bryndís

gönguferð vikunnar

Nú er ég alveg að verða búin að búa til hefð, svona sunnudagahefð. Fór aftur upp að Rundtjern í dag. Var tvo tíma á göngu, með hléi reyndar. Og þar sem ég var hamingjusamlega tímalaus hef ég ekki hugmynd um hversu lengi ég slappaði af uppi við Rundtjern, dottaði aðeins og svona. Ekki mjög lengi samt. Er voða afslöppuð eftir veruna í skóginum, ætla að reyna að halda við hefðinni áfram, næsta sunnudag. En enn á ný var myndavélin heima í leti, það var ekki vísvitandi gert, lofa. Keypti mér inneign á Skype í dag og prufaði auðvitað að hringja strax, virkar mjög vel og hljóðgæðin voru mjög góð. Mínútan kostar ca. 3 kr.(íslenskar) til Íslands. Mjög gott verð, Telenor tekur 18 kr á mínútuna.

L..dagur til lukku?

Gleymdi að kaupa lottó, svo það reyndi lítið á vinningslukkuna allavega. Fórum í dag og skiptum út routernum sem við fengum í janúar, hann gafst upp í síðustu viku. Bara skyndilega hættur að virka. Elkjøp voru mjög huggulegir og gáfu okkur bara strax nýjan. Enda er allt orðið svo ódýrt að það tekur því ekki einu sinni að kaupa fólk til að athuga hvort kúnninn segi satt og hluturinn sé í alvörunni bilaður. Not my problemo anymore. Gerðumst ofurdugleg í dag og þrifum. Styrmir tók að sér gasgrillið og ég renndi yfir íbúðina á hlaupum, eins og það á að vera, ekki satt? Grilluðum í fyrsta skipti á þessu seasoni og það smakkaðist mjög vel. Í dag var entrecote fyrir valinu. Mjög gott kjöt sem við keyptum hjá slátraranum, Slakter'n :) Ég ætlaði nú aldeilis að toppa mig í dag og laga einu sinni alvöru eftirrétt. Við erum ekki vön að hafa eftirrétt. Ákvað að skella í eina uppskrift að "Litlu syndinni ljúfu". Hún varð aðeins öðruvísi en ég hef áður smakkað. Uppskriftin var reyndar ábyggilega fín, hafði formin bara aðeins of stutt í ofninum svo þegar ég losaði kökurnar úr formunum runnu þær bara út um allan diskinn. Og þá varð þetta aðeins of væmið... En jarðarberin, sem ég hafði með, smökkuðust mjög vel. Næst þegar ég fæ lyst á eftirrétt er ég að spá í að baka Pavlovu að hætti Nigellu ofurgellu. Er búið að langa til að prufa þessa síðan ég sá þáttinn með henni einhvern tímann fyrir nokkrum árum síðan. Reyndar er þá kannski gáfulegt að bjóða gestum í eftirrétt. Þetta er dáldið stór kaka, held ég.

Gleðilegt sumar!

Og það skal það sannarlega verða! Ég hef verið að velta því mikið fyrir mér undanfarið hvað ég eigi að gera í sumar, þóttist vera búin að finna út úr því en fékk svo mikið betra tilboð sem ekki var hægt að hafna. Styrmir var að bjóða mér að koma með sér að ferðast í Evrópu í sumar og að sjálfsögðu ætla ég að slá til. Við ætlum að leggja í'ann þegar Styrmir er búinn í prófunum og vera á ferðinni þar til um miðjan/lok júlí og koma þá til Íslands og vera í fríi þangað til Styrmir þarf að byrja aftur í skólanum. Erum ekki búin að fastsetja hvert við ætlum í sumar en lönd eins og Spánn, Ítalía, Frakkland, Portúgal og fleiri eru mjög spennandi. Svo er auðvitað Austur-Evrópa mjög heit um þessar mundir, t.d. Prag, Riga og fleiri borgir. Þetta kemur allt í ljós, var að panta Lonely Planet bók í dag, fáum hana eftir helgi. Er annars búin að fá fullt af kósý sumarkveðjum í dag og þakka kærlega fyrir þær :) Var í fríi í vinnunni í dag og það var fínt, fékk svona sumardaginn fyrsta upplifun, geggjað flott veður í dag, sól og 16 stiga hiti. Knús og kossar

Og meira fikt... jei gaman
Posted by Hello

Fikt í Picasa
Posted by Hello

Æði og ekki æði

Fór út að labba, það var gott. Fór upp að Rundtjern sem er vatnsból Kongsberginga. Kom mér á óvart, en samt ekki, að það er enn ísfilma á vatninu. Það var líka snjóskafl á göngustígnum, þar sem sólin nær ekki að skína til að bræða hann í burtu. Merkilegt! Og hélt það væri komið sumar, en það er þá víst bara vor eftir allt. Ég labbaði aðeins kringum vatnið og settist svo niður og naut þess að slappa af í sólinni. Þvílík forréttindi að hafa svona stað í göngufjarlægð frá sér. Það var alveg skjól þar sem ég sat og það var mjög hlýtt að sitja bara á stuttermabol með uppbrettar buxnaskálmar. Það var brjálað mikið af fiðrildum, stórum og litríkum. Þau eru æði. Svo var ansi mikið af skógarmaurum líka, þeir eru ekki eins æði. Tók ekki myndavélina með svo það eru engar myndir. Verðið bara að ímynda ykkur restina. Stikkorð: vatn, skógur, berg, endur, fiðrildi, lyng, maurar, flugur. Þá vitið þið það :)

Þekki sæmilega sveiflurnar í mér og veit að þegar ofurbjartsýni herjar á mig er undiraldan nær. Svo er aftur spurning hvað er sjálfskapað? Er að reyna nýju aðferðina mína sem er að slaka á og sjá hvað lífið býður upp á. Er bara svo asskoti óþolinmóð að vikan verður óendanleg bið. Ætla að fara út að labba.

Er erfitt að vakna á morgnana?

Sefur þú í tvo tíma ekstra á meðan þú ýtir oft og mörgum sínnum á snooze? Er þetta eitthvað fyrir þig?
Clocky
Posted by Hello

Vissi það

Og að sjálfsögðu líður þetta hjá eins og allt annað... Ég er alltaf í leit að niðurstöðum. Hef svo ekki hugmynd um hvað mig langar til að gera við restina af dögunum mínum. Eða jú hef ákveðnar hugmyndir, en bara ekki hvað mig langar til að vera að gera núna. Veit nokkra punkta, sem er bara ekki komið að ennþá. Er búin að lesa ýmis blogg undanfarið hjá íslensku fólki. Finnst svo ótrúlega kósý þegar fólk hvetur vini og vandamenn til að kíkja við í kaffi. Get ekki beðið eftir að flytja heim og geta sagt það og meint það. Kveðja Ég kíkið endilega við í kaffi, alltaf heitt á könnunni :D

Svona er lífið

Þessi líðan kemur alltaf svona laumulega upp að manni. Hélt mér liði allt í lagi en svo bankar púkinn í öxlina á mér og hræðir nærri úr mér líftóruna, nei það er að ýkja. Vissi svo sem af honum þarna, þar sem hann pukrast og læðist í myrkum hornum. Og er svosem ekki svo voðalega hrædd við hann, finnst hann bara hvimleiður og raunar alveg hundleiðinlegur. Hef ekki kynnst jafn óáhugaverðum og undirförulum púka á ævinni. Skrattastu í burtu og sveiattann. Ég vil að þú sért farinn þegar ég vakna í fyrramálið! Þegar hann læðist inn í vitundina ýtir hann heilbrigðri skynsemi lengst útundir súð svo hún kemst ekki fyrir en situr bara með fæturna klemmda í náladofa og svima og andarteppu.
This too shall pass
Posted by Hello "The origin of the saying "this too shall pass" appears to date back to a story told about King Solomon. It is said that the King, feeling blue, asked his advisors to find him a ring he had seen in a dream. "When I feel satisfied I’m afraid that it won’t last. And when I don’t, I am afraid my sorrow will go on forever. Find me the ring that will ease my suffering." Eventually an advisor met an old jeweler who carved into a simple gold band the Hebrew inscription "gam zeh ya’avor" – "this too shall pass." When the king received his ring and read the inscription his sorrows turned to joy and his joy to sorrows, and then both gave way to equanimity. More recently the saying has been popularized in the West by spiritual leaders imported from or inspired by the East, including Ram Dass, the Dali Lama and Tich Nhat Hanh."

Hver af Desperate housewives ert þú?

Tók þetta próf og ég er Bree. Hverjum hefði dottið það í hug. Enda fer hún nú mest í taugarnar á mér, elsku kellingin. Sé greinilega of mikið af sjálfri mér í henni. Hún stóð sig samt frábærlega í síðasta þætti, ætla ekki að segja hvað hún var að gera, því ég er komin framar í seríunni en þið :)

Skype

Það hefur orðið mikil Skype vakning í kringum mig. En sjálfsagt eru einhverjir sem eru enn ekki komnir í samband. Skype er frítt forrit sem þú hleður niður á tölvuna þína, kaupir þér headsett og setur í gang. Svo þarftu að skrá þig inn og bæta við í vinalistann þinn. Svo þegar þú vilt tala við einhvern á vinalistanum þá smelliru á hann og talar við, alveg eins og í gegnum síma. Það er betra að vera með ADSL en Skype virkar líka með módemtengingu. Ef þú vilt tala við mig á Skype er nafnið mitt bryndisv. Það finnst líka fítus sem heitir SkypeOut í Skype, það þýðir að þú kaupir inneign hjá Skype og hringir í þá sem eru ekki með Skype. Mínutugjöldin eru lægri en hjá nokkru símafyrirtæki. Ég er reyndar ekki enn búin að prufa hann en hef bara heyrt góðar reynslusögur af þessu. Góð hljóðgæði og allir ánægðir :D Tengill : www.skype.com