Hvaða hvaða

Nei nú er ég búin að vera alltof léleg að blogga, þetta er ekki hægt. Það er bara svo margt annað sem hefur þurft að gerast. Við erum að verða búin að öllu. Þetta er að renna upp fyrir mér að ég er að fara í fyrramálið... Skrifa meira seinna í kvöld ef ég fæ tíma, annars bara seinna seinna ;)

have you ever?

Sá þetta hjá Iðunni og fannst tilvalið að fylla út líka :) have you ever? (x) snuck out of the house (x) gotten lost in your city (x) seen a shooting star ( ) been to the United States ( ) had a serious surgery (x) gone out in public in your pajamas (x) kissed a stranger (x) hugged a stranger (x) been in a fist fight ( ) been arrested ( ) done drugs (x) had alcohol (x) laughed and had milk/coke come out of your nose ( ) pushed all the buttons on an elevator ( ) made out in an elevator ( ) slept in an elevator (x) swore at your parents (x) kicked a guy where it hurts (x) been in love (x) been close to love (x) been to a casino ( ) been skydiving ( ) broken a bone ( ) been high ( ) skinny-dipped (x) skipped school (x) flashed someone ( ) saw a therapist (x) done the splits (x) played spin the bottle (x) gotten stitches ( ) had an IV ( ) drank a whole gallon of milk in one hour (why would I want to do that?) (x) bitten someone ( ) been to Niagara Falls (x) gotten the chicken pox (x) kissed a member of the opposite sex ( ) crashed into a friend’s car ( ) been to Japan (x) ridden in a taxi (x) been dumped (x) shoplifted ( ) been fired (x) had a crush on someone of the same sex (x) had feelings for someone who didn’t have them back (x) stole something from your job ( ) gone on a blind date (x) lied to a friend ( ) had a crush on a teacher ( ) celebrated Mardi-Gras in New Orleans ( ) slept with a co-worker ( ) been married ( ) gotten divorced ( ) had children (x) saw someone die (x) been to Africa (x) driven over 400 miles in one day ( ) been to Canada ( ) been to Mexico (x) been on a plane (x) seen the Rocky Horror Picture Show (x) thrown up in a bar ( ) purposely set a part of yourself on fire ( ) eaten sushi ( ) been snowboarding ( ) met someone in person from the internet (x) been moshing at a rock show ( ) cut yourself on purpose ( ) been to a motor cross show ( ) lost a child (x) gone to college (x) graduated from college ( ) done hard drugs (x) taken painkillers (x) love someone or miss someone right now

Afmælisbarn dagsins

Ísabella Ýrr, Ásdísar og Halladóttir, frænka mín á afmælis í dag. Hún er 8 ára í dag. En ég á víst enga nýrri mynd af henni. Þessi er orðin næstum 2 ára gömul. Til hamingju með daginn :)
Ísabella megapæja
Posted by Hello

Ferðalagið

Já, ég er víst kannski ekki búin að koma því svo mikið á framfæri hvenær við leggjum af stað í ferðalag og fleira. Við erum með plan um að leggja af stað 1. júní. Styrmir er búinn í prófum núna á miðvikudaginn 25. maí og ég er að vinna til 31. maí. Við ætlum að vera á Íslandi allavegana fyrstu tvær vikurnar í ágúst. Skólinn og vinnan byrjar aftur 15. ágúst svo þá er best að vera mættur aftur í rútínuna. Spurning hvort við tökum síðustu vikuna í júlí heima eða hvort við verðum enn í ferðagírnum. Það kemur í ljós aðeins síðar. Ég er búin að setja upp ferðablogg hér, það er linkur hérna við hliðina á ->. Ákvað að hafa ferðasöguna og lokaundirbúninginn á sér bloggi, Styrmir er með aðgang þar líka svo hann getur líka skrifað línu og línu við tækifæri. Ætlum að reyna að skrifa jafnóðum smá dagbók og lýsingar á því sem fyrir sjónir ber. Að sjálfsögðu verður myndavélin með í för og munum við reyna að koma einhverju inn á netið á leiðinni.

JÚRÓVISJÓN 2005

Jú jú, Júróvisjón kom og júróvisjón fór. Þetta var bara hin bærilegasta skemmtun þó ég hefði nú heldur viljað fylgjast með í góðra vina hópi á Njálsgötunni. Vinningslagið var fínt, ég hafði reyndar ekki heyrt það fyrir kvöldið. En þetta var ósköp ágætt popplag með grískri stemmingu í bakgrunni og fínum dansi. Mér fannst Lettland með versta lagið og greinilegt að sumir Evrópubúar voru komnir í botninn á glasinu þegar var komið að atkvæðagreiðslunni ;) Ég sendi þrjú atkvæði, Ungverjaland, Moldova og Danmörk fengu sitthvert hrópið frá mér. Ég er reyndar ekki enn búin að fá móttökukvittun svo það er ekkert víst að ég hafi neitt verið með að kjósa, hmmm. Mér finnst dáldið stuttur tími 10 mínútur að kjósa, t.d. eiga Norðmenn orðið fleiri gsm áskriftir en íbúa svo það hljóta að hafa flogið einhver sms-in í gegnum loftið hér. Við Unnur, sem býr í USA núna, vorum í samskiptum á msn á meðan á keppninni stóð, ágætis skemmtun það. Hugsuðum báðar mikið á Njálsgötuna og fannst við missa af miklu ;) Ég er alveg sammála þeim röddum sem hvetja Íslendinga til að halda forkeppni á næsta ári eða sleppa því að taka þátt. Höfuðástæða keppninnar er að efla tónlistarlíf í Evrópu og mér finnst keppnin vera að nálgast það. Þetta er hætt (að mestu) að vera einhver uppskrift heldur eru þetta bara ósköp venjulega popplög og tónlist sem er hlustandi á. Svo er ég á móti því að halda tvær keppnir, eina fyrir Austur- og aðra fyrir Vestur-Evrópu. Nú er tíminn til að þjappa Evrópu saman og sjá það góða í fjölbreytileikanum!

Þungir þankar

Nú er ég búin að vera löt að blogga hérna. Hef haft ýmislegt að hugsa um. Skipulagning á ferðinni. Atvinnumál í haust. Og svo bara þetta daglega "Hver er ég? Hvað vil ég?" ;) Ég áttaði mig á því í morgun að ég er ekki enn alveg búin að gera mér grein fyrir því að við séum að fara í þessa ferð. Er ekki búin að undirbúa mig mentalt að vera í burtu frá íbúðinni og vinnunni og fólkinu sem ég þekki hérna. Gott að átta sig á því fyrr en seinna. Ég hef aldrei farið í svona langt frí/ferðalag áður og þetta verður virkileg áskorun(challenge hljómar betur) að ferðast og hafa gaman af því, án þess að verða leiður eða þreyttur. Fór að hugsa um heimþrá en er ekki viss um að ég eigi eftir að sakna neins nema þá Ránar. Ég mun hafa mína "fjölskyldu" með mér. Styrmir við hlið mér og þið hin í huganum eins og ég er vön :D Hér í Noregi eru einhverjar mublur og drasl sem skiptir engu máli. Veraldlegir hlutir. Jæja ofboðslega varð þetta djúpt hjá mér... set í aðra færslu hversu gaman það var að horfa á júróvisjón.

Júróforkeppnin

Sit og glápi á júróvisjónforkeppnina. Þetta bestnar svona obbolítið með hverju laginu sem rúllar í gegnum. En ofboðslega var Austurríki með vont lag. Og að byrja þá fyrst. Spurning hvað kom af hverju. En það var nærri að ég slökkti á sjónvarpinu bara aftur þetta var svo rosalega vont lag. Ef það hefði ekki fyrir forvitnina að sjá Selmu þá hefði ég væntanlega bara látið verða af því að slökkva á kassanum. Selma söng vel en eitthvað var búningurinn ekki alveg að virka. Bakraddabúningarnir voru skrýtnir líka, bara buxurnar sem voru altílæ kannski. En það hafa svosem verið fleiri skrýtnir búningar í kvöld. Mér fannst dansatriðið frá Ungverjalandi mjög fínt, en söngurinn var glataður. Ætti mar þá að gefa stig? Þetta er víst söngvakeppni ennþá, right? Þeir hafa kannski slegið saman innlegginu í söngvakeppni evrópskra sjónvarpsstöðva og danskeppni evrópskra sjónvarpsstöðva sem er víst í vændum. Allavega eru norðmenn búnir að velja sitt framlag sá ég í síðustu viku. Jæja, þá er ég búin að velja mitt lag. Að sjálfsögðu fékk Selma mitt atkvæði í kvöld.

Það snjóar í Kongsberg núna. Need I say more? Best að fara og bjarga sólstólunum...

5 réttir í lottóinu

Ég var aldeilis heppin í gær. Keypti mér tvo lottómiða í búðinni og var nokkuð viss um að vinna, eins og alltaf reyndar. Sat svo spennt og fylgdist með útdrættinum. Voða fínar tölur og ég varð alltaf öruggari og öruggari á því að nú væri komið að mér. Bryndís milljónamæringur, ekki leiðinlegt það. Nema hvað, svo fer ég yfir lottómiðann og í einni röðinni eru alltaf færri og færri tölur eftir. Og ég fann hjartsláttinn aukast... var virkilega komið að mér að fá þann stóra? Jú, haldiði ekki að ég hafi bara fengið fimm réttar tölur í röðinni! Ég byrjaði næstum að svitna, bað Styrmir að finna á textavarpinu hvað við hefðum eiginlega unnið mikið. Sá fyrir mér seðlana rigna yfir okkur alveg hreint. Niðurlagið varð því nokkuð þegar í ljós kom að við unnum 260 kr. norskar (um 2900 íslenskar). Það eru nefnilega 7 réttar tölur af 34 sem þarf til að fá stóra pottinn. En ég er samt mjög ánægð með að hafa unnið, hef aldrei unnið neitt í lottóinu hérna. Nú þarf ég bara að finna út hvað ég á að kaupa fyrir vinninginn :)

Selma vinnur júróvisjón...

Margir halda því fram að Ísland vinni Eurovision í ár. T.d. Dagblaðið í dag og svo horfði ég á síðasta hlutann af Adresse Kiev(kallast það hér), skemmtiþættinum með Eiríki Haukssyni og Jostein Pedersen og fleirum þekktum júrópoppurum og áhugamönnum, sem kynnir júrólögin og gefur þeim stig. Ísland var langhæst af öllum lögunum. En hversu oft höfum við ekki setið heima og verið alveg viss um að í ár væri komið að okkur! Norðmenn eru einmitt alveg vissir um að þeirra lag eigi eftir að vinna, þetta er hefð! Það er týpískt norskt að vera góður, er mottóið þeirra. Ég er ekki svo viss aftur á móti um Selmu. Fannst lagið of stolið og Selma of mikið að rembast við að vera Britney Spears f. 2-3 árum síðan. En þetta mun að sjálfsögðu koma í ljós síðar. Vona nú samt að hún komist í aðalkeppnina, annað væri nú skandall. Þeir verða ábyggilega dýrir flugmiðarnir til íslands í maí á næsta ári ef hún vinnur ;) Hvar ætli keppnin yrði haldin, í Egilshöll? Íslenska júrósendinefndin er sjálfsagt búin að skipuleggja þetta allt saman.

Evrópureimin

Í dag er góður dagur. Í dag gat ég loksins náð í Lonely Planet bókina sem ég byrjaði að reyna að nálgast um miðjan apríl. Ætla að skipta sökinni á milli mín og heimska forlagsins í Osló. Þá er ég búin að pirra mig á því :) Ég er byrjuð að kynna mér svæðið sem okkur langar að ferðast um. Styrmir er að lesa undir próf, fyrsta prófið í fyrramálið. Ég er búin að komast að því að ég hef heilmikla fordóma gagnvart mörgum löndum, svo hef ég ekki nein rök fyrir því afhverju ég hef eitthvað að setja út á þessi lönd. Verða mest svona heimskar ástæður eins og "ég hef aldrei komið þangað". En það er hollt að takast á við fordómana, ég er líka að kynnast Evrópu betur og betur með hverri síðu í bókinni.
Europe On A Shoestring
Posted by Hello

Sumarið er...

... salat. Sá þetta hnyttna slagorð í auglýsingu hjá KFC. Það er reyndar mjög langt síðan ég kom á KFC og ég sakna þess ekkert. En þetta slagorð á mjög vel við ísskápinn minn í dag. Ég fór nefnilega í hasti í búðina í gær til að sækja vistir. Við Styrmir skrifuðum innkaupalista í sameiningu og vegna misskilnings skrifaði ég salat á listann. Er að reyna að vera mjög meðvituð og hafa grænt salat með matnum á hverjum degi. En kom svo í ljós þegar ég kom heim að við áttum 1 og hálft höfuð af ísbergssalati. Svo það er til nóg af salati hjá okkur. Þarf þá ekkert að kaupa salat fyrr en einhvern tímann eftir næstu helgi aftur. Vona að það haldist í formi þar til ég get borðað þetta allt. ... alhvít jörð. Jú jú, í dag kom fyrsta þrumuveður sumarsins. Ein elding, ein þruma og svo hlussu haglélsskúr í 10 mínútur allavegana. Svo það er alhvít jörð. Rán var úti þegar þruman og eldingin kom, virkaði pínu hissa á þessum látum þegar ég sótti hana. Er fegin samt að hún var við húsið og ekki úti í haglélinu. Ekki viss um að það hefði farið vel í hana. Hún virkaði mjög hissa á þessum látum hérna inni allavegana. Var að bæta inn myndum frá mars til maí, eiginlega bara myndir af Rán, þar sem við höfum verið löt að taka myndir af öðru.

Verslunarferð

Fór skottúr til Osló í gær að sækja um nýtt vegabréf. Sá það ráð í ferðabók að það væri ekki gott að ferðast með vegabréf sem er að renna út. Og vegabréfið mitt er bara í gildi til 14. ágúst. Svo ég fór og heimsótti sendiráðið okkar sem er í Stortingsgate 30, sem er mitt í miðbænum. Skrýtið að koma þarna inn, ég varð bara stressuð, allt var svo formlegt. Ég þurfti að hringja bjöllu og segja hvert mitt erindi væri til að komast inn í bygginguna, svo þurfti ég aftur að hringja bjöllu við dyrnar inn á skrifstofuna. Það er kannski ekki svo skrýtið, því ekki vill maður að hver sem er geti stormað inn á skrifstofuna. Las á síðu sendiráðsins að sendiráðið hefur verið á sama stað síðan það var stofnað kringum 1930. Man ekki nákvæmlega hvaða ár.(Síðan liggur niðri akkúrat núna). Mublurnar eru ábyggilega flestar upprunalegar. Sömuleiðis lyftan í húsinu sem hafði samt verið uppfærð með nútímalegu takkaborði. Það var voðalega vinaleg kona í afgreiðslunni, líklega sendiráðsritarinn. Og upp á vegg var veggplatti með andlitsmynd af Vigdísi Finnbogadóttur, á þeirri stundu var þjóðremban í hámarki hjá mér :) Vigdís, forsetinn minn um aldur og ævi. Þvílík synd fyrir núverandi ungu kynslóðina að hafa forseta á Íslandi sem fæstir bera virðingu fyrir. En nú er ég komin út í skurð. Best að tjá sig um eitthvað skemmtilegt. Fór í smá verslunar/skoðunarleiðangur fyrst ég var komin til Osló. Keypti mér pils í Hennes&Mauritz og tvo stuttermaboli í BikBok. Er mjög ánægð með pilsið, en það voru mjög meðvituð kaup. Er búin að ætla að kaupa mér pils síðan síðasta sumar og lét loks verða af því :) Hef ekki gengið í pilsi mjög lengi! Núna er bara eftir að kaupa stígvélin ;) Það var ótrúlega mikið af fólki um allt í miðbænum í Osló og ég er greinilega komin úr æfingu í svona verslunarleiðöngrum. Fór beint í grill-afmælisveislu hjá Eydísi, sem varð átta ára í gær, þegar ég kom frá Osló og svo á kaffihús að hitta vinkonur eftir það. Var gjörsamlega búin þegar ég kom heim um tíuleytið í gærkvöldi. Er búin að vera hálfeftir mig í dag, greinilega orðin of heimakær. Verð að fara að komast meira út, hehe. Tek mynd af pilsinu við tækifæri og set inn á myndasafnið.

Mí nott önderstend :(

Merkilegt hvað mér finnst orðið erfitt að lesa á íslensku, ég skil svo lítið þegar er verið að íslenska fræðiheiti og nöfn á hlutum. Ég er orðin svo vön að fá enska og norska heitið að ég er bara úti í íslensku :( Er samt eitthvað að því að hafa enska heitið í sviga? Þá gætu fleiri vitað hvað er átt við og gætu notað íslenska heitið með betri samvisku, því fleiri myndu skilja. T.d. var á mbl.is grein um ákveðna aðferð við að lækna eyrnabólgu í ungabörnum. Við þessa lækningu er notuð kjarnolía. Hér kemst ég í vandræði, hvað er kjarnolía? (Reyndar er þetta íslensk aðferð en varla er kjarnolía íslensk uppfinning og bara til á íslandi?)

Síminn minn... gersemin mín ;)
Posted by Hello Já, getið byrjað að flissa að mér núna í alvörunni!!! LOL

Sunnudagsröfl

Er búin að nota mér frían aðgang að tonlist.is um helgina, hlóð niður öllu sem ég fann með Eivör Pálsdóttur. Er búin að vera spennt fyrir henni um nokkurn tíma, hún hefur svo geggjaða rödd. Og diskarnir eru fjölbreyttir. Svo núna verður hún í playlistanum um stund. Hef reyndar komist að því að mér finnst mikið af tónlist sem er með svona þjóðlegum blæ skemmtileg. Þetta hefur verið dálítið í tísku hérna í Noregi, að poppa upp þjóðlagablæinn. Er alveg að fíla það. Er alveg búin að komast að því að ég verð orðinn algjör sveitalubbi þegar ég loksins flyt heim... glæsilegt, það verða bara mussur og þjóðlagagítarinn!! Frábært og allir eiga eftir að hlæja að mér því Íslenski draumurinn er tíska og háhælaðir skór. Nei ég verð víst að sætta mig við að ég verð aldrei töff :$ Var að lesa í einhverjum veflinum að skv. amerískri rannsókn er 33 ára alveg pottþéttur aldur til að eignast barn(sbr. ólétta Mary Danakrónprinsessu). Konur eru tilbúnar og halda sér mikið frískari, líkamlega og andlega, eftir meðgönguna og fæðinguna. Mikið er ég fegin að heyra það. Ég sem var alveg komin í krísu yfir þessari skynsemi í mér að bíða eftir rétta tækifærinu til að fara að unga út rollingum. Það er alltaf verið að hamra á því í veflunum hérna að 22 ára sé bara toppurinn af öllu að byrja að unga út. Var orðin hrædd um að ég væri bara útrunnin. Og nei, elsku fólk, ekkert enn í gangi á þeim vellinum. I will keep everyone informed. Annars hafa norðmenn miklar áhyggjur af "ungviði" landsins þar sem allir eru bara orðnir menntasjúkir!!! og alltaf minnkar hópurinn sem leggst í barneignir um tvítugt. Flestar norskar konur eru um þrítugt þegar þær fæða fyrsta barn. Ég er enn að bíða eftir bókinni sem ég pantaði, fæ að vita á mánudaginn endanlega hvort bókabúðin getur reddað þessu, annars pöntum við hana bara á netinu. (Eins og við hefðum greinilega átt að gera til að byrja með.) Ég er samt eitthvað svona skeptísk á netviðskipti almennt, ég er svo gamaldags. Fínt að fara bara í búð og kaupa með peningum, hehe. Eitt sem mér finnst heillandi er að sjá hvað fólki dettur í hug að kaupa á netinu. Skoða stundum síðu hjá einni íslenskri stelpu, sem er þó ekki í frásögur færandi. Nema að nýjasta sem hún var búin að "gefa sér" í tækifærisgjöf var eitthvað svona skartgripa-thingie til að hafa á farsímanum. Og það kostaði eitthvað 1200 ísk. Ég er greinilega alltof nísk!!! Hefði ekki keypt eitthvað svona bandadóterí til að hafa hangandi á símanum mínum fyrir 1200 kall. En það kemur því kannski eitthvað við að síminn minn er ALDRAÐUR og TEIPAÐUR saman. Ég þarf á því að halda að setja 1200 kallinn upp í nýjann síma við tækifæri. Get bara ekki ákveðið hvernig síma mig langar í. Nota hann líka næstum ekki neitt! Hringi í Styrmir max 1x í viku í 1,5 mín. Sendi ca. 5-10 sms á viku. Tek á móti ca. 4 símtölum í mánuðinum. Já, ég er óvinsæl með meiru hehe. Það tekur því ekki að fá sér einhvern geggjaðan síma með bluetooth, myndavél, gprs, umtf, edge, 3G og dagbók fyrir þessa notkun. Sammála?? Lag dagsins - Om jeg vågar með Eivör Pálsdóttir