Upprifjun

Er búin að vera að rifja upp ferðina í sumar og skipuleggja myndasafnið aðeins betur. Er að fá fólk í heimsókn um helgina sem langaði að sjá myndirnar og varð að fækka þeim niður úr þessum 8-900 myndum sem við tókum. Er í smá veseni með myndasvæðið mitt og er þess vegna ekki búin að setja inn neinar myndir. Vona að það leysist á næstu dögum. En ég smellti inn hérna nokkrum myndum frá Hvar í Króatíu. Enjoy!!
Séð yfir Hvar og sólbaðseyjarnar
Posted by Picasa
Hvar
Posted by Picasa
Styrmir að sulla í sjónum
Posted by Picasa
Höfnin í Hvar
Posted by Picasa

Lestrarhestur

Ég er búin að vera svo dugleg að lesa undanfarið. Er komin með nýjan uppáhalds rithöfund. Paulo Coelho. Hann fær mig til að hugsa um lífið og tilveruna á nýjan hátt. Kláraði í vikunni bókina "Við ána Piedra sat ég og grét". Góð bók, byrjunin var pínu skringileg en hún kom á óvart eftir því sem ég kom lengra inn í bókina. Bókin fjallar nokkuð um trúmál og sérstaklega ein setning situr í mér. Hún er þessi "ég öfunda fólk sem hefur trú" og að vissu leyti finn ég mig í því. Þetta er samt ekki bók um trúmál, heldur mikið meira saga konu sem fær að kynnast aftur æskuástinni sinni. Í dag byrjaði ég að lesa Veronika vil dø eða Veronika ákveður að deyja eins og hún heitir víst á íslensku. Góð bók. Og sem ég skrifa þessar línur skil ég ekkert í sjálfri mér að vera að hanga á netinu frekar en að lesa. Seinna...

Flying flying

Ég er komin í svo æðislegan netklúbb. Kellurnar hjá Flylady eru alveg að gera daginn minn frábæran. Ég fæ senda uþb 20 emaila frá þeim á dag þar sem ég er minnt á ýmis verk sem þarf að gera á heimilinu. Það má eyða þeim ólesnum ef maður hefur ekki komist í að lesa þá. Mottóið er að þú ert aldrei á eftir, bara hoppa inn í þar sem ábendingarnar eru hverju sinni. Núna upp á síðkastið hefur verið mikið átak í að losa sig við drasl á heimilinu. Fólk er að finna ýmsa fjársjóði í skúffum og hirslum um allt. Vona að ég finni falda sjóði ;) Hugmyndin gengur út á að draslið hefur ekki safnast fyrir á heimilinu yfir nótt, þess vegna gengur ekki að ætla að losa sig við það jafn hratt. Galdurinn er að taka lítið í einu. T.d. að stilla klukkuna á korter, hálftíma eða klukkutíma og henda sér í draslið. Bara taka út svo mikið sem þú kemst yfir á þeim tíma sem þú setur þér. Svo gerir þú þetta á hverjum degi eins lengi og þarf. Ég er sjálf komin með æði fyrir að henda drasli og er að verða komin í gegnum ýmsar skúffur og hillur. Núna þarf ég að fara að kortera mig í gegnum geymsluna niðri. Er að vonast til þess að granninn fari að verða búinn að gera upp kjallarann. Nenni ekki að hafa selskap þegar ég ræðst á draslið.

Afmælisóskir

Til hamingju með daginn elsku Styrmir :) Ég vaknaði snemma í dag, mætti í vinnuna kl. 8. En fyrst lagði ég á afmælismorgunverðarborð og stillti upp pakkanum sem ég var búin að kaupa. Styrmir var í fríi í skólanum í dag annars ætlaði ég að vekja hann og borða með honum morgunmat. Ég keypti handa honum bækur eftir Paulo Coelho, bæði 11 mínútur og Veronika deyr. Langaði sjálf að lesa þær og þá var auðvelt að velja ;) Honum leist bara vel á. Svo var hann sjálfur búinn að elda mat þegar ég skreið heim úr vinnunni núna rétt eftir fjögur. Borðuðum kjúklingabringur steiktar og bakaðar og grænmeti & hrísgrjón með. Voða gott. Hef annars bara verið upptekin upp á síðkastið, var úti á flakki í síðustu viku. Endalausir fundir og vinkonuhittingur og fleira. Er í góðu formi andlega og svona sæmó líkamlega. Er eitthvað þreytt í kroppnum, en er að labba þvílíkt mikið í hverri viku svo það útskýrir kannski þreytuna. Ein sem vinnur með mér var að giska á að þetta væru 30 km bara fram og tilbaka í vinnuna. Það er fyrir utan aðrar ferðir. Svo var ég byrjuð að lyfta 3x í viku. Er að taka því aðeins rólega núna en ætla að komast í gang að æfa aftur. Synda með og svona. Er að hugsa mikið til vinkonu minnar sem býr í Houston í Texas. Fékk email frá henni í gær þar sem hún var að láta vita af því að hún og fjölskyldan ætluðu að flýja frá storminum, ætla að halda til í Austin í Texas hjá vinafólki sínu. Vona að þau komist í skjól og húsið þeirra sleppi án skaða. Skuggalegt að heyra um að Rita er að stefna í að verða enn verri en Katrína.

Klukk

Ég var klukkuð af Iðunni og Björgu. Verð að finna upp á einhverju. Vil ekki vera félagskúkur :þ 1. Ég keypti mér lampa til að hafa á náttborðinu í Ikea í fyrradag. Er búin að vera að hugsa um að kaupa mér lampa síðan haustið 2003 :) Þvílíkur framkvæmdahraði!!! 2. Í dag fór ég á námskeið sem fjallar um að leysa vandamál með því að einblína á lausnina. Hvað virkar við að leysa vandamál, ekki hvers vegna er vandamálið vandamál. Athyglisvert og virkar í praksis. Las bókina í vetur og hef nýtt mér þessa aðferð (á sumum sviðum) með góðum árangri nú þegar. 3. Ég sakna vina minna og finn mikla þörf þessa dagana fyrir vinkonuspjall. 4. Ég les stundum blogg fólks sem ég þoli ekki og pirra mig yfir því hvað það skrifar. (WHY??????) 5. Ég er að reyna að finna út hvað er ástæðan fyrir veru minni hér á plánetunni. 42 virkar mjög spennandi. But then again þá er nú 39 alltaf aðlaðandi líka. Ég ætla að klukka Salvöru, Ásu, Lonní, Hildi og Björk.

Tiltekt og nöldur

Vá, ég er búin að vera ógeðslega dugleg í dag!!!! Við byrjuðum daginn snemma (fyrir hádegi ss) og fórum í hina margfrægu asíubúð og versluðum fullt af grænmeti og góðgæti. Vorum komin heim fyrir klukkan eitt með 3 fulla poka af matvörum. Var alveg hissa hvað Meny(nýkaupið mitt) leit vel út, en venjulega höfum við verið að lufsast út í búð um 2-3 leytið og þá er allt að verða tómt. (Fólk er greinilega hrætt eins og við að svelta þegar búðirnar eru lokaðar á sunnudögum :þ ) Við tókum svo þvílíkan skurk í íbúðinni eftir það. Ég henti fullt af fötum sem ég var hætt að nota og söfnuðu ryki í skápnum, lagaði til i kústaskápnum, gangaskápnum og aðeins í gestaherberginu. Styrmir var duglegur líka og henti fötum og lagaði heilmikið til í gestaherberginu. Ég er ekki alveg viss hvað kom yfir okkur en þetta var gaman. Nú er hrúga í ganginum sem bíður eftir að komast í ruslapoka og burt. Merkilegt hvað þetta er létt þegar maður kemst í gang!! Við kíktum líka niður í geymsluhornið okkar en ég hafði ekki taugar til að takast á við það í dag. Er mjög ósátt við hvað það hefur verið farið illa með okkur í þessum geymslumálum. Erum með þriðjung af gömlu geymslunni og dótið okkar sést varla fyrir ryki. Eigandinn er að gera upp kjallarann og var löngu byrjaður þegar við komum heim ur fríinu. Þá var búið að færa dótið okkar í þessa geymsluræmu og svo er búið að vera á fullu að steypa gólf og laga veggi. Hann er á fullu þessa dagana að berja panel á veggina á sinni geymslu en það kemur niður á okkar. Það sem pirrar mig mest er að ég var með nokkra kassa hérna uppi í gestaherberginu í sumar og núna erum við með svo litla geymslu að ég kem engu fleira inn :( Veit að við erum að leigja fyrir mjög hagstæðan pening og vil þess vegna ekki vera með leiðindi en það er nú einu sinni þannig að við erum líka að borga fyrir leigu á þessari geymslu, sem ég var btw mjög ánægð með út af stærðinni. Verð reið þegar ég hugsa um dótið sem liggur undir skemmdum út af öllu þessu ryki. Er með fullt af hlutum þarna niðri sem ég vil eiga áfram, þó að sumt sé einskis virði og hafni örugglega í ruslinu að lokum. Hef bara aldrei heyrt um svona að leigjendur séu bara fluttir úr geymslu sem þeir eru með á leigu án þess að spurt sé um leyfi einu sinni. Reyndar var þetta nú algjörlega punkturinn yfir i-ið því í vor var verið að skipta um vatnslagnir í götunni og inn í hús og þá var það í miðri geymslunni okkar. Einn daginn þegar ég fór niður í geymslu voru skíði og annar búnaður frá okkur á ganginum og risa gat í gólfinu. Engum hafði dottið í hug að láta okkur vita einu sinni :s Jæja, en ég er allavegana reið yfir þessu en annars ánægð með mig að vera byrjuð að henda rusli og drasli!!