S1 Vebbtíví

Hvílík gargandi snilld er Sylvía Nótt á Skjáeinum?! Ég var að fá vísbendingu um bara í vikunni að maður gæti séð þáttagerð Skjáseins á netinu og varð að nýta mér það að sjálfsögðu. Reyndi að horfa á AlltÍDrasli en það var nú meira draslið. Meikaði ekki parið þarna á Akureyri sem fékk þrif á íbúðinni sinni. Kemst ekki yfir þennan kjánahroll og tilgerðarlegheitin í íslensku sjónvarpsefni. Fíla reyndar yfirhöfuð ekki þessa þætti sem fjalla um að laga til heima hjá fólki. Vikuna á eftir verður allt komið í sama haugadraslið hjá þessu trailertrashi á eyrinni. Reykjandi yfir kakómaltlepjandi og kattamatsétandi börnunum! Og hvað var málið með Hauk Hauksson og þessi lesnu komment? En svo byrjaði ég að horfa á Sylvíu Nótt og hún snerti einhverja taug í mér. Fannst hún fyrst alveg tær snilld og svo ekki eins mikil snilld en svo aftur tær gimsteinasnilld. Sérstaklega fílaði ég hvernig hún kallaði verk listamanna föndur og spurði þá hversu lengi þeir hefðu verið atvinnulausir. Og svo eftir heilalausa þögn "Eh, viltu senda kveðju?" Bwahahahahaha. Nægilega "heimskt" til að vera afþreying. Eða var það kannski hvernig var ýjað að því að allir svona þættir eru ógeðslega heimskir. (Er Sylvía Nótt kannski að apa Möggu Stínu úr Hljómsveit kvöldsins?) Elska Daylight Savings Time, ég græði heilan klukkutíma í nótt. Því klukkan þrjú í nótt breytist tíminn til baka klukkan tvö og jei klukkan verður tvisvar þrjú og þá get ég vaknað klukkan tíu í fyrramálið og verð þá eiginlega búin að sofa til ellefu á sumartíma. Eh, já eða þannig sko. Er ekki drukkin en gæti þjáðst aðeins af svefngalsa. Og sykursjokki eftir laugardagsnammið. Já já, held það bara.

Fleiri myndir

Er að bæta við fleiri myndum en þetta gekk hægar í kvöld en ég ætlaði. Eitthvað rugl á tengingunni minni. Kom þó inn myndum frá Dubrovnik og þær eru hér. Bæti inn fleiri myndum næstu daga.

Loksins myndir

Ég hef loksins fengið aðgang að myndasafninu mínu aftur. Svo ég er að byrja að setja inn myndirnar úr sumarfríinu. Ætla ekki að drepa mig úr leiðindum og byrja því á smá kafla til að byrja með. Hérna eru fyrstu myndirnar. Sá í skottið á litla svart af neðri hæðinni í dag, hann er frekar mikil dúlla. Algjör bumbudúllíus. Reyni kannski að ná mynd af honum einhvern daginn. Snjórinn er að bráðna burt og það er spáð rigningu á morgun. Vonandi tekur þetta fljótt af. Blöðin eru að spá öðrum kafla af sumri. Það finnst mér nú bara hálfkjánalegt og held bara að Vetur konungur verði að fara að skerpa sig í skylduverkunum. Hlakka til að fá helgarfrí, er eitthvað leið á því að þurfa að mæta í vinnu svona dag eftir dag :s

Snjór og hvolpur í húsinu

Snjórinn kom í gær. Ég er ánægð með snjó. Finnst heimurinn fallegri svona hvítur út um allt. Á morgun er spáð rigningu og hita aftur, ég er ekki ánægð með það. Ágætt að hafa annaðhvort autt eða snjó. Ekki eitthvað slabb og sull. Nágranninn niðri var að fá sér hund. Veit ekki alveg hvað mér finnst um það. Vona að hann verði ekki til ama. Hundurinn altso, nágranninn er ekki svo mikið til vandræða. Ég á líka alveg eftir að sjá hvernig Rán á eftir að taka því að þurfa að deila garðinum. En hundurinn er voða dúlla, svartur labrador hvolpur. Er ekki alveg klár á því hvort hann flutti bara inn í dag en ég hef allavega ekki heyrt píp í honum ennþá. Vona að það haldist þannig bara.

Sjónvarpssöfnun ársins

Í dag er tv-akjson allan daginn á ríkissjónvarpi norðmanna. Drømmefanger heitir söfnunin í ár. Hún er til þess að vekja athygli á ofbeldi gegn konum. Ætlunin er að nota peningana erlendis til þess að hjálpa konum að komast yfir ofbeldi og fá að upplifa drauma sína. Síðust vikur hafa verið stuttir og langir þættir þar sem er talað við konur sem hafa upplifað ofbeldi. Bæði norskar og útlenskar konur. Í Noregi og erlendis, t.d. í Afríku, S-Ameríku og fleiri stöðum. Það er gott að vekja athygli á þessu því rannsóknir sýna að 1 af 3 konum er beitt ofbeldi. Það er rosalega há tala. Það fær mig til að hugsa um samfélagið í kringum mig og velta þessu fyrir mér. Hef ég einhvern tímann verið inná heimili þar sem svona kemur fyrir en ekki séð það. Það er nefnilega ekki bara létt að ætla að gera eitthvað í málinu. Það krefst hugrekkis að segja frá og fylgja hlutunum eftir. Þetta er eitt af mestu tabúum í þjóðfélaginu og hvorki létt fyrir þann sem fyrir verður að segja frá né aðra að ætla að hjálpa. Kannski er það mikilvægasta að hlusta og vera til staðar. Hjálpa konu að sækja hjálp. Í vikunni voru einhverjir mjög þröngsýnir karlmenn(to say the least) sem mótmæltu þessari fókuseringu á ofbeldi gegn konum. "Karlmenn verða líka fyrir ofbeldi!" sögðu þeir. Það var enginn að segja að karlmenn yrðu ekki fyrir ofbeldi! En það er þannig að þessi söfnun var tileinkuð konum. Ætli þessi fókusering hafi hrært við einhverju í sálinni í þessum köllum? Ótrúlegt hvað fólk gerir án þess að hugsa.

Nauj nauj nauj

Best að brjóta regluna til að sanna ruglið eða hvernig þetta var. Er búin að vera dugleg að blogga á sunnudögum en nú verður bloggað í miðri viku bara... Fór áðan í rigningunni og keypti mér miða á Magnet hinn mikilfenglega. Það er stúdentvika(les: ástæða fyrir að djamma alla vikuna) í háskólanum og þeir slógu saman og fengu Magnet til að koma og spila á Mølla. Sama stað og ég fór á tónleika á laugardaginn var. Svo skyndilega er ég orðin fastagestur þar, sem er bara gaman. Var eitthvað að svekkja mig á því að komast ekki á neina almennilega tónleika í haust og svo koma þeir bara í bunum, helgi eftir helgi. Verst að fjárhagsáætlunin gerir ekki ráð fyrir tónleikum um hverja helgi. En skítt með það, get andað að mér stemmingunni af tvennum tónleikum þar til ég fæ útborgað næst!! Er ekki málið að eiga bara pening þegar mar er orðinn gamall. Mar veit hvortsemer ekkert hvernig mar á að fara með'ann. Ég til dæmis eyði bara pening ef ég á hann. Þá er nú betra að eiga bara lítið, þá er maður ekkert í ruglinu. Þetta meikaði allavegana sens í hausnum á mér. Ég er reyndar orðin stórhneyksluð á þessu stúdentaefni sem ég bý með, hann hefur ekki grænan guðmund um hvað er að gerast í félagslífinu, á meðan ég fæ allar mínar upplýsingar úr bæjarsneplinum sem ég les í vinnunni. En ég hef þá góða afsökun fyrir því að fara á stúdentakvöld með hann upp á arminn. Já, hann var semsagt styrktur fyrir miða líka ;)

Life is good

Við skötuhjúin fórum á tónleika í gærkvöldi. Í boði var franskur jazz í góðum gæðum, Sclavis kvartett. Mér fannst þetta algjör snilld og hefði verið alveg tilbúin að hlusta í einn og hálfan tíma til. Í bæjarblaðinu voru tónleikarnir kynntir þannig að tónlistin minnti á tónlistina í myndinni Amelie frá Montmartre og þar sem það er ein af uppáhaldsmyndunum mínum varð ég bara að kynna mér þetta nánar. Það voru örfáir á þessum tónleikum, sem er algjör synd því þetta var virkileg gæðatónlist. Ekki annað hægt en að heillast af þessum jazzgeggjurum sem taka sólóin sín einn á fætur öðrum. Eftir tónleikana fórum við svo á Circa og fengum okkur einn drykk áður en við fórum heim. Það var voða þægileg stemming á Circa og það var DJ að spila. Var nánast hrærð yfir því í gærkvöldi hvað lífið er gott og hvað skemmtunin sem í boði var, var akkúrat sniðin að mínum þörfum.
Louis Sclavis
Posted by Picasa "Lørdag 15. oktober LOUIS SCLAVIS Louis Sclavis har vært en sentral medspiller på en europeiske jazzscenen i mange år. I musikken hans sanser vi subtile eksplosjoner, skjør energi og en frodig skjønnhet full av friksjon. Dette representerer lyden av det nye; der hvor det analoge og elektroniske forenes uanstrengt og poengtert. Louis Sclavis har blitt tildelt Prix Django Reinhardt, en pris som deles ut til årets beste franske jazzmusiker. Sclavis Quartet vant også førstepris som European Band of the Year under Barcelona Biennalen. I tillegg har Louis Sclavis mottatt British Jazz Award som Årets internasjonale artist Med: Louis Sclavis - bassklarinett/ sopran- og barytonsax, Vincent Courtois - cello/ elektronikk, Mèderic Collignon - lommetrompet/ stemmer/ horn/ og perkusjon -Hasse Poulsen - gitar Dørene åpner kl 20.00 Konsertstart ca kl 21.30 Kr 100,-*/ 150,- (*medlem av Jazz Evidence)"

Já svona líður mér

Það er víst rétt að láta það fylgja sögunni að fyrri færsla er ekki kaldhæðni. Svona líður mér. Mér finnst ég vera á réttri leið inn í framtíðina í fyrsta skipti lengi. Fékk mjög gott ráð frá einni vinkonu minni í vikunni. Það var einfaldlega að hugsa ekki svona mikið. Geri mér ekki alveg grein fyrir því hversu mikið ég hef nýtt mér það ennþá. En eitt er ljóst, lífið er í dag. Það er bara að njóta þess eins og það kemur fyrir. Í gær var þoka og rigningarúði yfir Kongsberg allan daginn. Það var ágætt því í dag er sól og ótrúlega fallegt haustveður og ég kann að meta það. Er á leiðinni út í göngutúr með sjálfri mér. Eigið góðan sunnudag, Bryndís

???

Ég varð mjög hissa í dag þegar ég fattaði að ég var einfaldlega hamingjusöm í nokkur andartök í einu. Hvað er næst? Kannski verð ég að gefast upp á tilverunni sem melankólsk mannvera??!! Ég mun reyna að halda ykkur upplýstum. Ég er ekki einföld manneskja svo mikið er ljóst. Góða helgi

Búin að kíkja á Anne

Fór að heimsækja Anne og Ivönu á fæðingardeildina áðan. Þær voru sáttar og sælar mæðgurnar. Sú stutta svaf voða vært. Hún er voða lítil og nett. 3,5 kg og 48 cm. Það varð ekkert úr bleyjuskiptanámskeiðinu. Ivana var nú samt eitthvað að vandræðast með þetta, en Øystein maðurinn hennar er með handtökin á hreinu og hún hefur næstum ekki fengið að prufa. Stoltur pabbinn :) Ég ætla að eiga rólegt föstudagskvöld og kúra í sófanum meðan eitthvað semigott sjónvarpsefni rúllar yfir skjáinn. Góðar stundir

Anne er fædd

Var að fá sms frá Ivönu vinkonu minni, hún var að eignast dóttur í gær á sjúkrahúsinu hér í bæ. Stúlkan var 3,5 kg en ekki fylgdi með lengdin á krílinu. Hún hefur nú þegar verið nefnd Anne. Fékk að vita að ég væri velkomin í heimsókn á morgun í heimsóknartímanum. Við höfum verið að grínast með það að ég kenni henni að skipta um bleyju. Hún hefur væntanlega fengið í gær að skipta um fyrstu bleyjuna á ævinni. Þetta voru góðar fréttir og ylja mér um hjartaræturnar. Hlakka til að heimsækja þær mæðgur á morgun.

Erfið heimsókn

Fór í heimsókn í dag til samstarfskonu minnar. Það var ekki létt. Hún var að missa son sinn í vikunni. Fann hann látinn í rúminu sínu á mánudagsmorgun. Krufning leiddi í ljós að hjartað hafði stoppað. Hann var bara 21 árs.