Ný vinna

Ég er ekki alveg búin að átta mig á þessu, en ég er semsagt búin að fá jákvætt svar að ég fái vinnuna sem ég er búin að vera í viðtölum út af. Ég fæ skriflegt tilboð á mánudaginn. Þá koma smáatriðin betur í ljós. Ég er að fara að vinna hjá FMC technologies í iðnaðargarðinum hérna í Kongsberg. Starfið er á þjónustuborði og verkefnin eru að taka á móti vandamálum frá notendum í fyrirtækinu og leysa þau. Þetta eru semsagt tölvutengd vandamál og þar kemur mín reynsla að góðum notum. Svo er möguleiki á því að ég þurfi að halda námskeið fyrir starfsmenn og búa til notkunarhandbækur. Svo var talað um að ég muni leysa af yfirmann þjónustuborðsins eftir þörfum. Ég er mjög spennt að byrja í nýju starfi og að fá að sanna mig (fyrir mér og þeim) að ég sé virkilega góð og eigi heima í tölvubransanum (ekki spurning ;) Ég er með mánaðar uppsagnarfrest í vinnunni svo ég býst við að geta byrjað 1. apríl hjá FMC.

Loksins fréttir

Ég hef beðið þolinmóð og ekki svo þolinmóð eftir svari. Í dag rétt fyrir fimm var hringt í mig og mér tjáð að ég fengi skriflegt tilboð um vinnuna á mánudag. Svo ég er happý í dag :D Nú þarf ég að skrifa uppsagnarbréf.

Fréttatengt efni

Það er eitthvað að gerast. Ekki komið svar þó. Í dag var hringt í báða meðmælendurna mína. Og að sjálfsögðu sögðu þeir bara gott um mig. Svo ég bíð spennt eftir að fá að vita meira sjálf. Ef ekki á morgun þá eftir helgi.

Á konudaginn

Hér á þessu heimili var konudagurinn haldinn hátíðlegur með því að maðurinn minn féllst á það að koma með mér út að labba. Ég tók nokkrar myndir af snjónum. Var annars að komast að því að ég er ekki búin að birta neinar myndir á þessu ári og hef ekki tekið margar heldur. Stefni á að bæta mig í myndatökunni. Við fórum svo á Circa þar sem ég fékk mér heitt kakó með rjóma og það bragðaðist mjög vel. Heitt kakó í tilefni dagsins líka ;) Til hamingju með daginn annars, kæru konur.

Engar fréttir enn

Ég átti von á símtali í dag en það er ekki komið enn og það er alveg að smella út fyrir skrifstofutíma. Svo þá fæ ég væntanlega símtal í næstu viku í staðinn. Sem er bara allt í lagi. Ég er reyndar með insider, á vinnustaðnum sem ætlaði að hringja í mig, og hann sagði að sjéffinn væri veikur. Svo ég átti kannski alveg eins von á því að fá ekki símtal í dag. Nóg um þetta. Að fréttum. Hér var búið að snjóa upp í 70-80 cm og núna er spáð meter í viðbót. Það bætist í og aðstæður núna eru 3ji dagur í snjókomu. Fólk er vinsamlegast beðið að moka þök á eldri húsum því snjórinn er farinn að nálgast meter í þykkt. Sem gerist að sjálfsögðu af því að það hreyfir lítið vind með þessu. Allt situr þar sem það kemur niður ef því er ekki rutt úr vegi. Ég er mjög hamingjusöm með snjóinn. Þetta er alvöru vetur, og það er ekki kalt. Allt er þegar rutt þegar ég fer framúr, svo ég er ekki í neinum vandræðum að komast leiðar minnar. Svo gefur snjórinn svo góða birtu og allt er bara fallegt.

Nei nei bara alvöru bloggfærsla...

Ég hef ekkert nennt að blogga hér of lengi. Það er samt ekki þannig að það sé ekkert í gangi. Ég er búin að vera í viðtölum hjá fyrirtæki hérna í bænum. Fæ svar í næstu viku hvað þeir ákveða að gera. Við erum 3 sem komumst í þetta seinasta viðtal. Allir að hugsa jákvætt fyrir mig :) Mig langar í þessa vinnu. Annars er allt á kafi í snjó hérna í bænum, veit ekki hvað eru margir cm en það er NÓG AF SNJÓ allavegana. Krakkarnir eru farnir að velta út fyrir girðingarnar á leikskólanum liggur við. Það er nóg að gera að passa að enginn detti út fyrir, "svona alveg óvart". Pínu þungt að labba í og úr vinnu en það hefst. Við skulum segja það þannig að ég hef ekki samviskubit yfir því að vera ekki farin að æfa. Kem alveg sveitt heim eftir hálftímalabb úr vinnunni. En það er ekkert hægt að setja út á ruðningskallana hér í bænum, þeir eru að allan sólarhringinn og þetta er alveg hreint ágætt hjá þeim. Þeir geta ekkert að þessu gert þó það kyngi niður snjó. Það er spáð pásu í snjókomu núna um helgina en það á að snjóa enn meira í næstu viku. Verður spennandi að sjá hvort við þurfum að fá mokstursþjónustu við að tæma garðinn í leikskólanum af snjó. Það var forsíðufrétt í bæjarblaðinu að upp í einum dalnum hérna, Lyngdal, er snjóhæðin orðin 86 cm. Krakkarnir eru alveg í skýjunum, nóg af snjó!! Gott að vera ungur og þurfa ekkert að hafa áhyggjur af færð eða kostnaði við ruðninginn :D Ég er nú ekkert að hafa áhyggjur af færðinni né kostnaðinum heldur. Veit að strætó gengur alltaf og þá er minns sáttur. Um helgina ætlum við Styrmir að hafa það gott og fara út að borða. Þetta er búið að standa til ansi lengi en alltaf eitthvað sem hefur stoppað okkur að láta verða af því. Erum mest að spá í að fara á steikhús sem opnaði í sumar og heitir Big Horn. Eða bygårn eins og mér heyrist heimamenn segja alltaf. Merkilega fínir í enskum framburði þessir norsarar. Og ég er að verða alveg eins. Þegar maður reynir að bera það rétt fram þá skilur enginn hvað maður er að tala um. Annars get ég sagt að ég er orðin dauðleið á þessu teiknimyndastríði. Ég trúi ekki helmingnum af þessum fréttum sem er verið að sýna hérna. Það er svo mikið af myndefni sem er sýnt í fréttum sem eru bara hreinn uppspuni og sviðsett. Múgæsingur og vitleysa. Getur fólk ekki bara lifað í sátt og samlyndi. (En nei, hvað ættu fréttamenn þá að segja frá?) Virðing til allra trúandi múslima sem fannst þetta mógðun. Það fólk er samt ekki brennandi fána, kastandi steinum og hótandi að drepa alla norðmenn, dani o.s. frv. Rólegan, rólegan... Ég er farin að leggja mig. Bestu kveðjur

4 föld atriði um mig

4 störf sem ég hef unnið við um ævina Leikskólaliði Skrifstofudama Ritari í héraðsdómi Skúringakona 4 kvikmyndir sem ég gæti horft á aftur og aftur Pride and prejudice Pirates of the Caribbean Kill Bill Hmmm… einhver fyndin og sorgleg 4 staðir sem ég hef búið á Hafnarfjörður Aubonne, Sviss Kongsberg, Noregur Reykjavík 4 sjónvarpsþættir sem mér líkar Desperate housewifes Friends Six feet under Sakamálaþættir af ýmsu tagi 4 staðir sem ég hef heimsótt í fríi Króatía Bosnía Rúmenía Ungverjaland 4 síður á netinu sem ég heimsæki daglega mbl.is Öll bloggin sem ég les reglulega Aftenposten.no Spamadur.is 4 matarkyns sem ég held uppá Spaghetti Carbonara ala Styrmir Nautasteik með Sveppasósunni Heimagerð ítölsk pizza Ofnsteiktur þorskur með lime/parmesan/chili-hjúpi 4 staðir sem ég vildi heldur vera á núna Á Íslandi Í Króatíu Upp í rúmi Á tónleikum 4 aðilar sem ég klukka Ása, Salvör, Júlía og Björk

Góð orð til mín í dag

MEYJA 23. ágúst - 22. september Himintunglin stinga upp á langri gönguferð eða bíóferð með vini. Íhygli er nauðsynleg á meðan meyjan tekur þeim stórkostlegu þroska sem nú er yfirvofandi. Þinn tími er kominn. Ekki missa af tækifærinu.

meira tuð um teiknimyndir

Maður á ekki að treysta öllu sem kemur fram í sjónvarpsfréttum. Innflytjandi í danmörku, múslimi en ekki ofsatrúarmaður, kom fram í dönsku sjónvarpi og lýsti sínu viðhorfi. Hann sá myndir þar sem var verið að brenna danska fánann og kannaðist við umhverfið á myndunum, þetta var gamli bærinn hans heima. Hann hringdi í föðurbróðir sinn og spurði af hverju fólkið í bænum væri að brenna danska flaggið. Föðurbróðirinn svaraði því að þetta hefðu verið fjórtán ungir menn sem hefðu tekið sig til og brennt flaggið, fréttamyndirnar létu þetta líta út eins og allur landsbærinn væri samankominn að traðka á flagginu. Og þar er einn biti í púslinu. Múslimaforingjar eru að hóta sjálfsmorðssprengingum í Noregi og Danmörku, er það ekki dáldið ýkt miðað við að birta myndir af spámanninum? Ég sem hafði alveg þónokkra samúð með múslimum fyrir bara augnabliki síðan, finn hvernig samúðin hverfur og reiðin magnast. Í danmörku er bent á að múslimar hagnist á þessari umræðu. Fyrir mig segi ég að vopnið er að snúast í höndunum á þeim. Allavegana þegar snýr að mér sjálfri.