Laugardagur
Nohhh, bara bloggað á hverjum degi núna. Vil byrja á því að óska litlu systir til hamingju með daginn. Orðin 19 ára þessi dúlla! :) Knús og kossar frá mér!!! Ég var að frétta að Ölduslóðin hefði verið á sölu núna fyrir nokkrum vikum. Sé ekki auglýsinguna, svo annaðhvort hefur hún hætt við eða er búin að selja. Sá einhver þessa auglýsingu? If so, hvað var sett á íbúðina? Íslenska sumarið er komið hérna í Noregi, í dag var 10 stiga hiti og sól. Voða fínt. Ég dreif mig út í garð með vatn í bala og tusku á lofti. Þreif garðstólana hátt og lágt og þurrkaði af grillinu svona til málamynda. Svo sumarið getur komið hérna þegar því sýnist :þ Annars er lítið að gerast. Reyndar tók Rán upp á því að fara að stökkva út um gluggann nánast. Held þetta séu einhver mótmæli við því hvað við erum léleg að hlaupa og hleypa henni út alltaf þegar henni langar. Hún semsagt fer út um eldhúsgluggann út á þakið yfir veröndinni og lætur sig svo bara gossa niður í garð. Ég var nú ekki alveg að trúa þessu. Hún semsagt hvarf bara í morgun, ég skildi ekkert hvað varð af henni. Leitaði út um allt, kíkti í allar gluggakistur og skápa sem ég hafði opnað í morgun. Svo kom ég auga á hnoðrann út í garði svona líka upptekna við að veiða fiðrildi og flugur. Svo hoppaði hún aftur núna seinnipartinn. Ég fylgdist að sjálfsögðu spennt með. Jújú hún læðist niður í þakrennuna og svo heyrist bara dynkur og hún er komin niður. Ótrúleg dirfska, þetta eru nú allavegana 3 metrar niður. Reyndar mjúk lending á grasinu. Jæja nóg af æsispennandi kisusögum úr sveitinni... sí jú leiter